Ribadeo, 11 de setembro de 2019. O Concello volve sacar a subasta, e faino por terceira vez, os dous inmobles da súa propiedade sitos na rúa Bispo Veres, números 2 e 4, segundo anunciou esta mañá o alcalde, Fernando Suárez Barcia. O prezo de saída do edificio nº 2 será de 31.000 euros e o do nº 4 será de 47.000 euros. As persoas interesadas en facerse con algún deles teñen 45 días naturais para presentar as súas ofertas a través da Plataforma de Contratos do Estado.
O rexedor explicou que “novamente desde o Concello de Ribadeo volvemos publicar un anuncio na Plataforma de Contratos do Estado para subastar estes bens inmobles de titularidade municipal que foron inmatriculados a nome do Concello en xaneiro de 2017. Ao non facerse cargo deles ningún dos supostos herdeiros o Concello iniciou daquela un proceso de inmatriculación; é dicir, xa que non eran de ninguén que sexan do Concello. E agora queremos subastalos”.
Suárez Barcia lembrou que “son dous edificios antigos, que están en pleno casco histórico do concello, dunhas dimensións xenerosas cada un deles e que están situados nunha zona cunhas vistas impresionantes do casco vello e tamén da ría de Ribadeo”.
O alcalde contou que “sacámolos a subasta agora, por terceira vez, cun prezo de saída de 31.000 euros máis IVE para o inmoble de Bispo Veres número 2 e cun prezo de 47.000 euros máis IVE para o inmoble de Vispo Veres número 4. O prazo de presentación de ofertas para os interesados é de 45 días naturais a contar desde mañá, xoves, e todos aqueles interesados ou interesadas, tanto persoas físicas como xurídicas, deberán presentar as súas ofertas electronicamente. Se queren para ter máis información poden acudir ao Concello e mirar como funciona a administración electrónica”.
Fernando Suárez engadiu: “polo tanto quero convidar a todo o mundo, de Ribadeo ou de fóra, porque penso que teñen unha oportunidade moi boa para facerse con algún destes inmobles, ou cos dous, porque están nunha zona moi importante de Ribadeo, no casco vello e cunhas vistas impactantes, e en todo caso é vocación do Concello subastalos e con ese diñeiro seguir facendo actuacións de interese público”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
