Burela, 3 de setembro, 2019. A Cidade do Fútbol de Las Rozas acolleu esta tarde a presentación da XVII Supercopa de España, que se disputará este venres, ás 21.00 horas, entre o campión de liga, Futsi Atlético Navalcarnero, e o Pescados Rubén Burela FS, campión de Copa de SM A Raíña. Xunto ao presidente do Comité Nacional do Fútbol Sala, Pedro Rocha, participaron no acto os adestradores, Andrés Sanz e Julio Delgado, xunto á madrileña Leti e a laranxa Bea Mateos.
O Pescados Rubén Burela FS chegou ao acto aínda festexando o título de 4Nations Futsal conseguido o domingo en Milán: “Demostramos un nivel moi alto, o equipo estivo moi serio e rigoroso. Este torneo internacional reflectiu unha vez máis o gran nivel do fútbol sala español. Creo que este venres medirémonos dous dos mellores equipos do mundo; espero que se poida vivir o mesmo espectáculo e a xente vibre como o fixo na Copa da Raíña” explicaba Julio Delgado.
Pola súa banda, o Futsi vén de gañar o Torneo Comunidade de Madrid, o premio ao esforzo da pretempada, en palabras de Andrés Sanz: “Chegamos con todas as xogadoras en forma e o equipo acoplado; temos a confianza de que chegamos ben”, explicaba o adestrador aínda que sen recoñecer un claro favorito.
Ambos os conxuntos esperan unha cita igualada. “Todo o mundo sabe que este encontro é un clásico; os dous coñecémonos moi ben”, aseguraba a capitá Bea Mateos apelando á concentración como o factor clave. Leti, con todo, non espera un encontro como o último, vivido en Burela na final copeira: “Creo que será diferente, a esa Copa chegamos minguadas con baixas. Agora tomamos a Supercopa como unha nova oportunidade que dá o deporte para demostrar o traballo do día a día”.
A cita poderase seguir en directo en streaming a través das canles da RFEF.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
