Ribadeo, 10 de outubro, 2019. O Parador acolle durante o 10 e 11 de outubro a quinta edición da “Interfederativa de Confrarías de Pescadores do Cantábrico-Noroeste”, un evento que impulsa a Federación Provincial de Confrarías de Pescadores de Lugo e na que participan representantes das Federacións de Confrarías de Guipúzkoa, Bizkaia, Cantabria, Asturias, Lugo, A Coruña e Pontevedra, así como a Federación Galega de Confrarías.
Baixo o título ‘Reflexións sobre a pesca artesanal: sostible, rentable e con futuro’, o evento serve un ano máis como foro de debate acerca de diferentes temas de interese para a frota de pequena escala. O congreso repite a dinámica de anteriores edicións: reunión interfederativa o xoves pola tarde e reunión de traballo conxunta entre representantes das Confrarías a das Administracións pesqueiras de España e as Comunidades Autónomas do Cantábrico na mañá do venres.
Abriu a xornada o presidente da Federación Nacional de Confrarías de Pescadores, tamén presidente da Federación Provincial de Confrarías de Lugo, José Basilio Otero, acompañado dos dous vicepresidentes da Federación de Lugo, Javier Martínez e Domingo Rey, á súa vez patróns maiores das confradras de Ribadeo e Celeiro.
Nesta reunión están participando representantes da maioría das Federacións de Confrarías do Cantábrico Noroeste: Guipúzkoa (Josu Ezenarro González Etxebarri e Miren Garmendia), Bizkaia (Aurelio Bilbao Barandica e Eusebio Aranzamendi Etxaburu), Cantabria (Miguel Fenández Pérez e Enrique Paz),Asturias (Juan Dimas Acebal e Mª José Rico Fernández), Lugo (José Basilio Otero, Javier Martínez Otero, Domingo Rey Seijas e Carmen Abad), A Coruña (Daniel Formoso) y Pontevedra (José Manuel Rosas e Francisco Javier Martínez Durán), así como a Federación Galega de Confrarías (José Antonio Pérez Sieira e Marita González).
Os representantes das confrarías analizaron a situación e o grao de cumprimento das conclusións alcanzadas tra-lo congreso do ano pasado en temas relacionados cos descartes, as medidas técnicas, o Regulamento de control da pesca ou o plan de xestión do Cantábrico-Noroeste… Usando estas pasadas reflexións como punto de partida, na presente edición da Interfederativa de Confrarías do Cantábrico-Noroeste estanse abordando diferentes temas xerais e de interese común para o sector, como de novo os descartes, os permisos e diferentes criterios de peche da pesquería do bonito do norte, o regulamento OMNIBUS, o futuro dos fondos FEMP, a situación da sardiña ibérica ou os cupos de verdel propostos polo ICES.
XORNADA DO VENRES
Na reunión de traballo conxunta que se celebra o venres pola mañá entre representantes das Confrarías e das Administracións pesqueiras de España e as Comunidades Autónomas do Cantábrico, o sector exporá ás Administracións as principais conclusións derivadas do traballo do xoves.
Esta sesión contará coa asistencia da Secretaria Xeral de Pesca do Ministerio de Agricultura, Pesca e Alimentación, Alicia Villauriz Iglesias; a Directora Xeral de Recursos Pesqueiros, María Isabel Artime García; o Director Xeral de Ordeación Pesqueira e Acuicultura, Juan Ignacio Gandarias Serrano; a Directora Xeral de Pesca, Acuicultura e Innovación Tecnolóxica da Consellería do Mar da Xunta de Galicia, Mercedes Rodríguez Moreda; o Xefe de Coordinación da Área de Mar en Lugo, Pablo R. Fernández Asensio; o Director Xeral de Pesca Marítima do Principado de Asturias, Francisco González Rodríguez; a Directora de Pesca e Alimentación de Cantabria, Marta Ana López; e o Director de Pesca e Acuicultura do País Vasco, Leandro Azcue Múgica. Tamén participarán o presidente da sección de pesca da Federación Europea de Traballadores do Transporte (ETF), Juan Manuel Trujillo; o representante do Sector Marítimo Portuario de UGT, Óscar Domínguez Romero; e o responsable do sector do mar de CCOO Galicia, Ricardo Valeiras Grana.
CLAUSURA DO CONGRESO
A Conselleira do Mar da Xunta de Galicia, Rosa Quintana, estará presente na clausura do Congreso, que se celebrará ao finalizar a xornada matinal, ás 12:45h, cando se unirán tamén a Secretaria Territorial de Lugo, Marta Barreiro Castro; o Concelleiro de Desenvolvemento Local de Ribadeo, Pablo Vizoso Galdo; o Responsable da Área de Participación Ciudadá da Deputación de Lugo, Roberto García Pernas; así como representantes das organizacións de pesca de Lugo, Porto de Celeiro, Absa Burela, OPP-7 e OPP-77; e de outras entidades como Abanca Mar ou Lucuslex.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
