Viveiro, 18 de outubro, 2019. O conselleiro de industria visitou Viveiro este venres, no 20 aniversario de Vestas na cidade. Conde referiuse á preocupante situación de Alcoa na comarca. “Efectivamente estamos nunha situación crítica, Alcoa traslada uns resultados que non permiten ser optimistas dende o punto de vista da empresa e nomeadamente dende o punto de vista da empresa aquí en Alcoa San Cibrao.
Alcoa leva moitos meses, un ano en concreto, trasladando e advertindo de que en España non hai un prezo competitivo para producir aluminio primario; é o mesmo tempo que o Goberno leva sen dar unha solución a través do estatuto de consumidores electrointensivos.
Polo tanto, lamentablemente a inacción do Goberno está poñendo nunha situación absolutamente límite a planta de Alcoa San Cibrao e nós o que lle pedimos ao Goberno é que realmente reaccione, que se poida garantir un prezo competitivo e que dende logo a súa inacción non nos leve ao desmantelamento industrial dunha comarca como A Mariña e dunha provincia como Lugo, que realmente e despois de tantos anos e despois de demostrar a capacidade competitiva que ten a planta de Alcoa San Cibrao non parece xusto que por non acadar un acordo dende o punto de vista do prezo eléctrico nos vexamos abocados a unha situación tan crítica
Nestes momentos non temos ningunha sinal por parte do Goberno de que vaia cambiar o escenario, polo tanto entendemos que esta situación non debe proseguir por máis tempo. O Goberno ten a capacidade de poder aprobar estando en funcións o estatuto dos consumidores elecrointensivos, e polo tanto se non o fai é porque non hai unha vontade política realmente de garantir ese prezo, polo tanto non hai unha vontade de que Alcoa San Cibrao siga producindo aluminio primario
Á Xunta de Galicia preocúpalle enormemente esta inacción, porque significaría desmantelar a industria desde Madrid, e iso nós non imos permitilo, non imos colaborar con esa posición insensible que nestes momentos está tendo o Goberno de España”, concluiu o conselleiro
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
