Viveiro, 18 de outubro, 2019. O BNG de Viveiro lamenta a falta de interese da alcaldesa pola aprobación dun orzamento municipal participativo para que, logo dun ano de orzamento prorrogado, no 2020 o concello e a veciñanza podan contar cunhas novas contas municipais que contribúan a solucionar os problemas reais de Viveiro. Míriam Bermúdez critica que “a falta de dez semanas para que acabe o ano, Loureiro non lles entregou aos grupos da oposición ningún borrador do proxecto de orzamento municipal de 2020. É incomprensible que un goberno que ten ao concello funcionando a medio gas co presuposto prorrogado por mor da súa incapacidade política para aprobar o orzamento de 2019, continúe instalado na mesma actitude pasiva e empeñado en gobernar de espaldas aos intereses do concello, coas consecuencias negativas que se derivan disto e que padecen @s veciñ@s.
@s nacionalistas teñen claro que, esta falta de información e transparencia do Goberno do PSOE sobre o proxecto de orzamento municipal para o 2020, demostra por un lado, a nula vontade en impulsar un presuposto municipal participativo entre a veciñanza (unha ferramenta de democracia directa que permitiría á veciñanza falar das súas demandas e propostas e contribuír así a definir o destino dunha parte do orzamento municipal) e por outro lado demostra, o desínterese por facilitarlles aos grupos da oposición o devandito documento para o seu estudo, con tempo suficiente, para traballar e lograr conxuntamente acordos en actuacións clave para Viveiro co fin de aprobar con carácter definitivo, antes do 31 de decembro de 2019, o orzamento xeral para poñelo a andar a partir do 1 de xaneiro de 2020.
Míriam Bermúdez di “trátase do orzamento municipal onde teñen que estar as prioridades, programas e accións nos que se empregarán os fondos públicos para o vindeiro ano, actuacións e proxectos prioritarios para Viveiro, así como programas de axudas ao tecido asociativo social, cultural, deportivo, veciñal e outros colectivos viveirenses para que estes podan planificar e organizar debidamente o seu calendario anual de actividades.”
O BNG de Viveiro empraza ao Goberno Socialista a reconsiderar o seu procedemento empregado para a aprobación do orzamento e a apurar os prazos para traballar pola aprobación en pleno dun novo orzamento xeral, que permita comezar a poñer en marcha os proxectos vitais para o concello e veciñanza a partir de xaneiro. @s nacionalistas cren que só remando tod@s na mesma dirección poderán saír adiante as actuacións clave para Viveiro, por iso cren que non se entendería que o goberno do PSOE tivese en mente ir a unha 2ª prórroga do orzamento de 2018, ou ao desapoderamento legal do pleno a favor da Xunta de Goberno para aprobar o orzamento municipal sen acordo plenario a través da utilización da contravertida Disposición Adicional Decimosexta da Lei reguladora das bases de réxime local, engadida pola Lei de racionalización e sostenibilidade da administración local, á que algúns califican de lei de recentralización xurídica e favorecedora da privatización dos servizos públicos, impulsada e aprobada polo goberno de Mariano Rajoy.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
