Ribadeo, 29 de outubro de 2019. O Concello sacou hoxe a licitación o contrato de servizos para a realización de actividades socioculturais, denominado ¿Aquí? Coma de 20!, que se divide en dous bloques. O primeiro inclúe actividades formativas, lúdico recreativas, saídas culturais, cafés tertulia ou obradoiros. O segundo estará centrado no movemento activo para mellorar a condición física dos asistentes. Esta programación está destinada aos homes e mulleres maiores das parroquias de Ribadeo. As empresas interesadas dispoñen de 15 días para consultar a documentación e presentar as súas ofertas. O presuposto anual será de 55.600 euros. A duración do contrato será dun ano con posibilidade de prórroga de dous máis.
O alcalde, Fernando Suárez, explicou que “no Concello de Ribadeo sacamos hoxe a licitación un importante contrato de servizos relativo a actividades socioculturais baixo o título Programa ¿Aquí? Coma de 20!, que está dirixido a todas as persoas, aos homes e mulleres, das parroquias do noso concello onde imos dividilo en dous grandes bloques”.
O rexedor contou que “o bloque primeiro é relativo ás tardes de lecer, que serán actividades formativas a través de cursos de manexo das novas tecnoloxías da información e da comunicación, ou mesmo obradoiros de coñecemento do entorno e da historia local. Así como tamén doutro tipo de actividades lúdico recreativas para entreter e para ocupar o tempo de lecer de xeito creativo e lúdico fomentando así as relacións sociais. Para iso contémplanse excursións, saídas culturais, xuntanzas, cafés tertulia ou mesmo diferentes propostas de xogos ou obradoiros de memoria e actividades encamiñadas a fortalecer as habilidades sociais”.
Suárez Barcia engadiu que “por outra banda plantexamos un bloque moi importante baixo o título de Movemento activo que son actividades encamiñadas á conservación e á mellora da condición física loxicamente adaptadas ás características de cada persoa, a través do desenvolvemento de exercicios físicos de mantemento ou de tonificación e de coordinación. Todas estas actividades se van levar adiante nas diferentes escolas parroquiais e teleclubs tanto na costa como no interior, sempre en horario de tarde”.
O alcalde ribadense subliñou que “pretendemos que este contrato estea licitado e adxudicado canto antes para empezar neste ano 2019. Todas as empresas interesadas en participar nesta licitación teñen, desde hoxe, quince días para ver toda a documentación que está na plataforma electrónica de contratos do Estado ou no perfil do contratante da páxina web do Concello. O prezo deste contrato anual serán 55.600 euros ao ano, podendo ser prorrogado dous anos máis”.
O Concello de Ribadeo sacou a licitación o contrato de servizos para a realización de actividades socioculturais, denominado ¿Aquí? Coma de 20!
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
