28 de Novembro de 2020

Correo | Favoritos  | Imprimir   

O proxecto Gobermar do GALP lanzará un obradoiro de xeración de proxectos do mar que se levará a cabo en Ribadeo o 20 de novembro

30-10-19

 Ribadeo, 30 de outubro de 2019. O vindeiro 20 de novembro desenvolverase en Ribadeo un obradoiro para a xeración de proxectos do mar. Está impulsado polo GALP dentro do proxecto Gobermar e no que colaborará o Concello de Ribadeo.

Os obradoiros están dirixidos a empresas do sector, confrarías, asociacións, persoas emprendedoras e público interesado en xeral co ánimo de fomentar o número de iniciativas susceptibles de presentarse á convocatoria de axudas do Fondo Europeo Marítimo e de Pesca.

Nos encontros trataranse os seguintes temas:
-Obxectivos e ideas de negocio con posibilidades de financiamento. Detalle de proxectos produtivos financiados nos últimos 3 anos para o sector.

-Necesidades que se detectaron no traballo de campo (confrarías, asociacionismo e empresas)

-Café-debate. Espazo aberto para identificar novas liñas de negocio nas empresas extractivas, transformadoras e comercializadoras.

O obradoiro desenvolverase o 20 de novembro desde as 18:00 horas na Casa de Xuventude de Ribadeo e as persoas interesadas en asistir deberán inscribirse no correo electrónico gobermar.marinaortegal@gmail.com

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive