O norteamericano J.F. Kennedy fixo moi popular o aviso de que é posible enganar a todos durante algún tempo, a algúns durante todo o tempo, pero non se pode enganar a todos todo o tempo. Na política española hai moitos representantes institucionais que aínda non entenderon o que quería dicir J.F.K. É evidente que non o entenden nin Pedro Sánchez nin o seu delegado en Galicia, Gonzalo Caballero. Políticos así teñen cansa, moi cansa á sociedade. Por iso, cando os cidadáns escoitan unha mensaxe que responde á verdade, que fala da realidade constatable día a día, que expón proxectos de goberno solventes, senten como un aire fresco que lles devolve a confianza na política. Foi o caso do discurso do presidente da Xunta de Galicia, Alberto Núñez Feijoo, no recente debate do estado da Autonomía. Feijoo deixou na súa intervención a marca dos grandes líderes, dos que coñecen o seu territorio e a súa poboación, os que identifican os problemas e deseñan solucións mirando cara ao futuro. En síntese, un líder que fai o que fan os verdadeiros líderes políticos: dicir á verdade e xestionar á realidade.
A liña marcada por Feijoo no debate do estado da Autonomía diverxe de maneira rotunda coa mantida polo socialista Pedro Sánchez. Dende a súa abrupta chegada á presidencia do Goberno, Sánchez instalouse na posverdade, ese neoloxismo que expresa distorsión da realidade, e no relato, é dicir, pura estratexia comunicativa. Todo conto e nada de xestión. E así estamos hoxe en Galicia afrontando a crise de dúas empresas fundamentais para a provincia de Lugo, Alcoa-San Cibrao e As Pontes. A inexistente xestión da transición enerxética pon a esas dúas empresas en situación de inquedanza e a miles de traballadores galegos diante dun futuro cargado de temores. Pola contra, o presidente de Galicia lanzou mensaxes moi claras de apoio e de decisión de non permitir que se produzan peches sen alternativas para os traballadores e para as comarcas. Feijoo deixoullo claro a Pedro Sánchez nos últimos días en varias ocasións: o Goberno central non pode seguir actuando en todo sen pensar no que se leva por diante. Pero parece que os socialistas teñen xa trazado un camiño. Só así se pode explicar, que non entender, que o presidente da Deputación de Lugo, José Tomé, votara en contra da proposta do PP para instar ao Goberno a adoptar medidas para garantir o futuro de Alcoa-San Cibrao. Foi incapaz, pese á imaxe institucional que busca para si, de manter o consenso político imperante ata agora sobre esta cuestión, incluso baixo a presidencia provincial de Gómez Besteiro. Os galegos en xeral, e os lucenses en concreto, poden estar seguros de que o PP será un máis, e moi activo, na loita por manter o tecido industrial de Galicia.
O debate do estado da Autonomía deixou a imaxe de Feijoo como líder político sólido, consolidado e fiable. É unha imaxe que se contrapón á do socialista Pedro Sánchez e a do seu delegado Gonzalo Caballero. Ningún dos dous quere entender que os cidadáns buscan líderes que non substitúan a verdade pola posverdade nin a xestión polo relato. Feijoo resumiu os grandes avances de Galicia desde 2009 e trazou o camiño a seguir, con proxectos claros para fortalecer o tecido industrial, apoiar a investigación, estimular a natalidade, respaldar a agricultores e gandeiros, e que os mozos e mozas teñan moito máis fácil proxectar o seu futuro en Galicia. Como Feijoo no falaba a fume de pallas, concretou iniciativas no campo sanitario, no da educación, no da tecnoloxía, etcétera. E así foi quedando claro que, fronte ao egoísmo narcisista de Pedro Sánchez, en Galicia a Xunta ten un presidente que expón sen medias tintas: «O de menos é o futuro dos que estamos aquí. O demais é que Galicia ten despexado o seu para os próximos 12 meses e hai que garantir un futuro certo para os próximos 12 anos». Ou o que é o mesmo, Galicia ten un Goberno formado por homes que mulleres que, como dicía J.F.K, non se preguntan que pode facer o país por eles, senón que non deixan de preguntarse que poden facer eles polo pais. Feijoo foi explícito: «As galegas e os galegos poden contar coa Xunta de Galicia e poden contar comigo».
Elena Candia
Presidenta provincial do PP
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
