Burela, 27 de novembro de 2019. A axenda cultural para este fin de semana en Burela ofrece a actuación do grupo de teatro local O Torques e o Festival de Danza e Música Tradicional organizado por Ledicia. O venres 29 ás 21:00 horas na Casa da Cultura, O Torques porá en escena Cea de familia. O concelleiro de Cultura, José Díaz, aposta tamén pola creación dun grupo infantil de teatro. E o sábado 30 ás 19:00 horas celebrarase o Festival de Danza e Música Tradicional de Ledicia. O edil de Cultura fai unha chamada á participación nestes eventos da vindeira fin de semana.
José Díaz anunciou que “este fin de semana en Burela temos dous eventos, ambos gratuítos. O sábado 30, ás sete da tarde, a Sociedad Cultural Recreativa Ledicia organiza, unha vez máis, o Festival de Danza e Música Tradicional como xa ven facendo os últimos anos, con moita presenza de público. É unha asociación con moitos socios, con moita xente que colabora con eles, e que participa nas súas actividades que son moitas ao longo do ano, desde a feira do bonito pasando por colaboracións no Nadal, no Entroido e en moitas cousas do entramado cultural do pobo. Traballan moito e ben por facer actos na localidade e este sábado organizan este festival de danza ao que invitamos a todo Burela a acudir porque vai ser moi ameno con participación de nenos e adultos, moitísimas variedades de danza a música e pódese pasar unha tarde agradable”.
O concelleiro de Cultura engadiu que “o venres 29 temos ás nove da noite a actuación do grupo de teatro de aquí de Burela, O Torques, que segue traballando. Levábamos moitos anos sen grupo de teatro propio e por fin, desde o 2015, puido facerse O Torques, coa dirección de Juan Vilariño e coa participación de diferente xente que vai pasando por aí, algúns deles seguen estando no grupo de teatro. Nosoutros desde o Concello seguimos apoiando a este colectivo”.
Díaz dixo que “temos, tanto O Torques como o Concello, un obxectivo a nivel de cultura teatral que é organizar o primeiro grupo de teatro infantil en Burela. O sábado pasado tivemos aquí a actuación do grupo infantil A Adala, houbo moitísima xente vendo aos peques actuar, a verdade é que o fan moi ben, xa os felicitei e volvo facelo. Espero que poidamos en Burela tamén facelo, falaremos cos dous colexios a ver se hai xente que nos poida axudar desde dentro e poder facer un grupo de teatro. Temos o apoio de Juan Vilariño para todo isto, o meu persoal e tamén do Concello de Burela. A ver si se pode facer e animamos aos nenos e ás nenas a participar. É unha actividade que eu sempre digo que debería ter máis peso nos colexios, non é que todos os nenos que se apunten vaian ser actores ou actrices, senón por todo o que aprenden a falar en público, por exemplo, e a desenvolverse. Penso que ten unha parte didáctica importante e é a que, sobre todo, queremos fomentar”.
O edil burelés explicou que “a obra de O Torques se chama Cea de familia e ten unha temática que promete ser moi divertida. Trátase dun encontro de familia en torno a avoa que está preto da súa morte, e entón discuten pola herdanza e hai diferentes trifulcas en torno a un tema que é moi común, por desgraza, na vida real. Vai ser un fin de semana con dous eventos diferentes, un teatral e outro musical, para animar un pouco a actividade cultural en Burela”.
Ballet Nacional de Ucrania
Concerlírica Internacional ofrece un 25% de desconto nas entradas para a actuación de Virsky National Ensamble (Ballet Nacional de Ucrania), que terá lugar no pavillón Vista Alegre o 25 de decembro. Esta promoción é válida ata o vindeiro domingo, 1 de decembro. Calquera pode conseguir a súa entrada por só 9 euros máis gastos de xestión.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
