Ribadeo, 13 de xaneiro de 2020. A Aula CeMIT do Concello de Ribadeo organiza tres obradoiros gratuítos durante este mes de xaneiro, incluídos no programa Crear Futuro de Red.es, cofinanciado polo Fondo Social Europeo 2014-2020, con cargo ao Programa Operativo de Emprego, Formación e Educación. Trátase dun programa de formación e mellora de competencias no ámbito da transformación e da economía dixital para profesionais deste país.
O primeiro obradoiro será sobre Ecosistema emprendedor e celebrarase o día 21 de xaneiro de 16:00 a 20:00 horas. Entre os seus obxectivos figuran: coñecer aos diferentes axentes que operan no mercado e que poden axudar na creación e desenvolvemento dunha empresa, traballar e practicar as diferentes técnicas de ideación e solución de problemas que achega o Desing Thinking, e identificar as distintas fórmulas de financiamento de proxectos e ideas dispoñibles tanto novas como coñecidas.
O segundo obradoiro levará por título Proposta de Valor e Modelo de Negocio e terá lugar o día 22 de xaneiro de 16:00 a 20:00 horas. Pretende dar a coñecer a analizar os diferentes modelos de negocio e dominar a xeración de ingresos e xestión de custos. Ademais identificará as ferramentas e habilidades a ter en conta cando se traballa con socios e practicará con algunhas metodoloxías de xestión de proxectos que están a transformar as empresas nos últimos anos.
O terceiro obradoiro xirará en torno a Como conseguir os primeiros clientes e celebrarase o día 23 de xaneiro de 16:00 a 20:00 horas. Os seus obxectivos son: conseguir clientes que permanezan fieis á marca utilizando estratexias de fidelización eficaces, comprender o rol do cliente nunha contorna dixital e valorar as técnicas para poñer en marcha unha estratexia de márketing dixital, e comprender a importancia da medición de resultados e da optimización das acción online como un proceso continuo de mellora mediante o deseño dunha campaña de captación de clientes.
O prazo para inscribirse nestas actividades remata este venres, 17 de xaneiro, e pode facerse on line no módulo ou módulos correspondentes. As prazas son limitadas e toda a información figura na web do CeMIT Ribadeo.
Ao finalizar a formación poderá obterse un certificado que será enviado a aquelas persoas participantes que superen con éxito a avaliación final.
A Aula CeMIT de Ribadeo organiza tres obradoiros para profesionais sobre emprendemento e captación de clientes
Relacionado
-
Lourenzá acolle este mércores a actividade “Xogando a aprender: Seguridade Viaria” na Praza do Conde Santo
-
A Xunta instala 27 paneis divulgativos para informar e sensibilizar á cidadanía sobre o risco de inundación en distintos puntos dos ríos Fontecova, Trasposta e Pe de Boi, en Viveiro
-
O Mercado Medieval de Mondoñedo volve do 7 ao 9 de agosto
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
