Riotorto, 13 de febreiro, 2020. O BNG de Riotorto denuncia o deterioramento do firme de varias pistas empregadas a diario polos veciños para acceder aos seus terreos. A formación nacionalista pon como exemplo o estado en que se atopan algunhas vías da parroquia de Santa Marta, onde os traballos de corta e transporte de madeira deixaron intransitables camiños de uso público, e critica a deixadez do goberno do Partido Popular que non esixe a súa reparación aos causantes dos desperfectos.
“Despois de catro anos de mandato do PP e xa con case o 90% dos accesos aos pobos asfaltados cos cartos do Plan Único da Deputación, xa é hora de empezar a arranxar o firme das pistas que dan servizo ás veciñas e veciños para que poidan levar a cabo os labores agrícolas, gandeiros e forestais, o motor económico do noso concello”, esixe a formación nacionalista.
“Aínda que o grupo de goberno do Partido Popular, non queira ver o abandono das pistas; basta moverse un pouco polo territorio do concello para velo. É unha situación que se ven arrastrando desde que este goberno adoptou unha das súas primeiras decisións , aprobar un convenio coa asociación Provincial de Transformación da Madeira, que incumpría a ordenanza municipal e que exime as empresas madeireiras de depositar unha fianza ao inicio dos traballos. “Antepuxeron os intereses da asociación de empresarios aos dos veciños e estas son as consecuencias”, conclúen os nacionalistas
O alcalde elude render contas
O BNG tamén critica a pouca cooperación do grupo de goberno, que emprega todo tipo de recursos para evitar render contas e dar explicacións ante as preguntas que formula a oposición. Neste senso, sinalaron o silencio e a falta de interese do goberno municipal en relación co proxecto iniciado no mandato do BNG, para habilitar espazos expositivos nas escolas parroquiais reformadas.
“Eses museos, que se crearon con obxectos e materiais cedidos pola veciñanza seguen, cinco anos despois, sen abrir ao público; sendo unha clara mostra do pouco interese do goberno municipal polo patrimonio cultural e etnográfico, que non deixa de ser a nosa historia”, apuntan.
“O mesmo abandono sofre o roteiro do ferro, impracticable, malia ser unha ventá para mostrar a nosa historia ao mundo”, engaden desde a formación nacionalista que tamén demanda ao goberno do Partido Popular un inventario coa memoria das fontes do concello e facer un plan de actuación, “con criterios establecidos que garantan os mesmos dereitos a todos os veciños, e que poña fin a arbitrariedade coa que se toman as decisións sobre esta cuestión”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
