Foz, 14 de Marzo, 2020. Desde a Asociación a Ribeira de Foz volvemos potenciar o deporte náutico na comarca facendo canteira entre os máis novos e traballando en desestacionalizar a actividade turística local, exportando a nivel nacional e internacional o potencial da pesca deportiva responsable na Mariña. Para iso, presentánse as IV Xornadas de Pesca con Reclamos o vindeiro sábado 14 de Marzo en Foz. Para a realización deste evento, unha vez máis contamos coa axuda Michel, xerente da tenda Kukadas en Foz e coa colaboración da Asociación de Comerciantes, Concello de Foz e a Deputación de Lugo. Este sábado comezaremos ás 11:30 h no CENIMA coas charlas técnicas que serán impartidas por sete integrantes do equipo do Peixe Rosa, pescadores deportivos de gran fama, como o catalán de Delta do Ebro Raúl Marti Pereira. As técnicas de pesca a tratar nas charlas serán: O Lixeiro Spinning, unha modalidade de pesca que se puxo moi de moda entre os máis novos, xa que lles permite pescar e divertirse en escenarios tan accesibles como espigóns, portos e rías, para así gozar das diferentes especies que poidan ser capturadas e que frecuentan esas zonas, como as robalizas, serranos, abadexos, maragotas, sargos, doncelas etc.
Jiging lixeiro e reclamos brandos, modalidade que se practica desde embarcación e na que nos centraremos nas técnicas e movementos adecuados para capturar especies como o Dentón e o San Martiño. Tip Rum, que é unha técnica adaptación da pesca de luras con cana ao estilo xaponés, á pesca desde embarcación. Unha técnica nova, cunha gran aceptación en Xapón e que vai tendo máis adeptos cada día nas nosas costas xa que está a resultar tremendamente efectiva entre os pescadores do noso país que se están animando a realizala. Pola tarde, comezaremos ás 17:30 h nas inmediacións do porto pesqueiro. Faranse demostracións prácticas da teoría explicada durante a mañá e os afeccionados que se animen poderán practicar probando os equipos e reclamos de pesca de última xeración para as diversas técnicas que tratamos.
Estas xornadas manteñen un éxito continuado co paso dos anos e chegan xa á súa cuarta edición. Este sábado volverán ter un alto número de participantes, pois xa contamos con máis de cento vinte afeccionados anotados á única parte do programa na cal é necesaria unha inscrición, a xa clásica comida de irmandade que sempre facemos e que permite aos afeccionados á pesca deportiva, que chegarán ese día a Foz desde moitos e diversos puntos de España (País Vasco, Cantabria, Asturias, Andalucía ou Cataluña), establecer lazos de amizade e intercambiar os seus coñecementos. O obxectivo do evento como sempre non é o de pescar, senón o de coñecer a outros pescadores e aprender uns dos outros. Animamos aos que lles gusta ou teñen curiosidade pola pesca deportiva que se acheguen a Foz este sábado.
PROGRAMA IV Xornadas de pesca con Reclamos, 14 de Marzo en Foz
– De 11:30 h a 13:30 h charlas técnicas no CENIMA. – 14:30 h Comida de para os asistentes rexistrados á mesma no restaurante Casa Damián
– 17:30 h, No Porto de Foz, exhibición e práctica, os asistentes terán para probar materiais e escoitar os consellos dos relatores.
Ao final da xornada faranse agasallos e sorteos de materiais entre os asistentes ao evento.
TODAS Os ACTOS SON GRATUÍTOS E ABERTOS Ao PÚBLICO
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
