Burela, 26 de marzo de 2020. Ante a situación de crise e emerxencia sanitaria pola que está atravesando o noso país, a asociación de veciños O Vencello queremos mostrar a nosa solidariedade e pésame para as familias das persoas que faleceron en todo o territorio nacional e especialmente na nosa comarca e municipio, así como o noso apoio e afecto a tódalas persoas que están actualmente loitando contra o coronavirus.
Queremos expresar o noso total recoñecemento e admiración ante o inmenso traballo que con tanto compromiso e esforzo están levando a cabo os profesionais sanitarios do noso municipio, sobre todo no Hospital Público da Mariña e no Centro de Saúde, así como na residencias de maiores; aos membros de Forzas e Corpos de Seguridade do Estado e en especial a Garda Civil, Policía Local, Protección Civil, e a todos os cidadáns que desde o sector público e o sector privado están traballando na cobertura de servizos esenciais: en supermercados e tendas de alimentación, redes de distribución, porto de Burela, farmacias, servizos de limpeza e residuos.
Ademais, queremos destacar a nosa admiración polo civismo que están demostrando os veciños de Burela á hora de cumprir coas severas medidas derivadas do Estado de Alarma, Sobre todo tendo en conta que somos o maior núcleo urbano de poboación da Mariña e cun gran número de poboación moza.
Apoio á comisión e propostas
Tamén queremos mostrar o noso apoio á xestión da crise a nivel municipal que están a desenvolver os integrantes da comisión municipal de seguimento da enfermidade COVID-19.
Nunha situación como a actual, a nosa primeira obrigación como colectivo que representa ás veciñas e veciños de Burela é a de apoiar a quen están traballando na primeira liña para resolver os graves retos que atravesa o noso municipio.
Neste sentido, dende O Vencello queremos facerlle chegar a dita comisión a necesidade de que adopten unha serie de medidas urxentes de cara a mitigar na medida do posible os efectos económicos desta crise sanitaria entre as familias, os autónomos e tecido empresarial do noso concello.
Entre as medidas que solicitamos figuran:
● Que os acordos adoptados na devandita comisión se fagan público á maior brevidade posible ao conxunto da veciñanza na páxina web oficial do Concello ou por outra canle oficial das que dispón o Goberno Municipal. Creemos que isto axudaría a garantir o dereito á información e contribuiría a loitar coas “fake-news” que podan estar distribuíndose entre as veciñas e veciños.
● Solicitamos tamén o aprazamento do Imposto Municipal de Vehículos e redución proporcional deste imposto para vehículos de uso profesional/empresa nos casos debidamente xustificados e no período correspondente á vixencia do Estado de Alarma.
● O Aprazamento no cobro da taxa de vao permanente.
● O Aprazamento no cobro da taxa do cemiterio municipal.
-Hai que lembrar que estes tres impostos antes mencionados póñense habitualmente ao cobro no vindeiro mes de abril.-
● Por último, queremos tamén sumarnos á petición da ACIA Burela solicitando a supresión da taxa do lixo durante o período de corentena ao tratarse dun imposto extremadamente gravoso para os nosos comerciantes e industriais.
Creemos que con estas medidas contribuiríase a aliviar a situación das familias que pasaron a unha situación máis vulnerable, descargar aos empresarios y autónomos do pago de taxas por conceptos que no puideran utilizar no período de corentena e planificar medidas que permitan a reactivación económica e do emprego tan pronto como finalice o Estado de Alarma.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
