Santiago de Compostela, 22 de maio de 2020. Comisións Obreiras (CCOO) esixe un plan de inspección e comprobación dos plans de continxencia das residencias de maiores e de persoas con discapacidade, previo á reactivación dos centros prevista pola Xunta de Galicia. Isto deberase facer de acordo coa representación legal dos traballadores e das traballadoras, aclara o sindicato, que xa lles trasladou ás Consellarías de Sanidade e Política Social as súas achegas ao proxecto do Goberno autonómico, un documento que en termos xerais é «correcto», pero deixa sen concretar diversos aspectos que Comisións considera «fundamentais».
CCOO ve positivo que o protocolo da Xunta sexa único para os centros públicos e privados, «o cal xa é un factor importante para evitar distintos ritmos na volta á normalidade neste tipo de centros», salienta o sindicato.
Establece a volta á normalidade por fases para as persoas usuarias, as residentes e para os seus familiares, impoñendo certos requisitos e mecanismos de control no intercambio entre fases e no réxime de visitas; tamén establece a reversibilidade das medidas adoptadas de dárense posibles casos sospeitosos ou positivos. Prevé así mesmo que para os centros que non teñan ATS nin persoal médico haxa unha persoa de referencia en atención primaria que active os protocolos precisos para realización das probas —PCR ou outras.
Con todo, o documento detalla diversas tarefas, necesarias para cumprir cos criterios sociosanitarios, pero en moitos casos non se concretan as responsabilidades correspondentes ou o xeito de levalas a cabo. Canto aos equipos de protección individual (EPI), o protocolo da Xunta deixa a porta aberta á reutilización en casos de desabastecemento. CCOO rexeita esta posibilidade e esíxelle á Administración autonómica que garanta a axeitada subministración de EPI a todo o persoal.
Así mesmo, CCOO pide incorporar no protocolo a regulación do traballo realizado por empresas externas aos centros —fundamentalmente as vinculadas a restauración, servizos funerarios e xestión de residuos—, xa que o persoal destes servizos tamén desempeña un papel relevante na contención da epidemia.
CCOO, ademais, bota en falta no documento a perspectiva dos centros residenciais de atención á dispacidade. Pola tipoloxía de persoas usuarias, con importantes necesidades de apoio, é difícil aplicar as medidas de distanciamento recomendadas.
Nas achegas remitidas ás Consellarías de Sanidade e Política Social, CCOO tamén formula observacións e recomendacións sobre cuestións tales como a organización dos equipos de traballo, a realización de probas pcr ao persoal e ás persoas usuarias das residencias, intensificar as medidas de limpeza das instalacións, a duración das diferentes fases e os requisitos para avanzar entre fases ou a provisión de equipos de videochamada para contacto cos familiares, entre outros aspectos.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
