Inicio este artigo recoñecendo que co presidente da Deputación pásame o mesmo que co seu xefe Pedro Sánchez: por máis que me esforce non podo concluír que os erros que comete son produto dun mal momento, dunha dixestión pesada ou dunha mala noite. Non podo chegar a esa conclusión ao ver, por exemplo, as convocatorias dos plenos ordinario e extraordinario, a celebrar o próximo martes. Son froito, ao meu entender, dunha maneira de estar en política como debeu ser a daquel deputado do que un poeta de pluma ácida, escribiu: «Aquí yace un diputado / que de emoción se murió, / porque al ser interpelado / se vio el pobre precisado / a contestar “si” o “no”».
O pleno extraordinario foi solicitado polo meu grupo, o PP, o que ten máis deputados, visto o desprezativo silencio co que o goberno provincial respondeu á nosa petición dunha reunión da xunta de portavoces. O obxectivo: deseñar un plan de intervención directa da Deputación, a cargo de parte do seu remanente, para axudar ao tecido produtivo de Lugo a superar a crise provocada polo Covid-19. Con criterio económico que compartimos, o pleno extraordinario foi fixado para o mesmo día que a sesión ordinaria, na que algo debeu ter que ver a nosa insistencia en que fose convocada. E entón é cando o deputado Tomé se enfronta ao dilema do que se fala ao principio: “si” ou “non”. Como o non era imposible, por imperativo legal, Tomé convocou a sesión extraordinaria; pero como o si tampouco lle gustaba, elixiu a que seguramente considerou a peor hora posible, as 14.00. Quizá pensou que así amolaba ao PP. Está equivocado. O que demostra é que non lle merecen ningunha consideración aqueles que constitúen o tecido produtivo da provincia, os que moven Lugo. Non é casualidade que se produza cando Sánchez pacta con Bildu a anulación da reforma laboral. Ás dúas da tarde ou cando sexa, nós imos soster que a Deputación inxecte recursos económicos no noso tecido produtivo. Tomé sigue enredando entre o si e o non, co auxilio do Bloque.
Outra mostra de como Tomé se move entre o si e o non, cando está polo non pero quere que parece que está polo si, é a postura do PSOE en relación con Alcoa-San Cibrao. ¡Cantas voltiñas lle dan, para non facer nada! Neste asunto non teñen credibilidade ningunha porque o Goberno, co silencio cómplice dos socialistas lucenses, négase a aprobar un estatuto para empresas electrointensivas que garanta un marco estable de prezos asumibles, que permitan competir no sector en igualdade de condicións. Din que si, pero é que non. Por iso non aproban o estatuto coas alegacións dos sindicatos e da Xunta. Poden presentar mil mocións, pero xa non os cren nin os traballadores nin os veciños. Todos eles xa viron o que fixeron con Endesa-As Pontes, incapaces de deseñar unha transición enerxética respectuosa coa industria galega.
En todo o que ten que ver coa economía provincial, Tomé, coa inestimable axuda do presidente do Goberno, Pedro Sánchez, perdeu a credibilidade. O Covid-19 desenmascarounos. Si, está demostrado.
Javier J. Castiñeira
Portavoz do Grupo Provincial do PP
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
