A Mariña, 28 de xuño, 2020. A cabeza da lista do Partido Popular por Lugo ás eleccións do vindeiro 12 de xullo, Elena Candia, considera que o presidente do Goberno, Pedro Sánchez, “perdeu onte unha importante oportunidade de defender a Galicia e o intereses que neste momento temos e dependen do seu Executivo”. A popular refírese, concretamente, á incerteza que viven nestes momentos os traballadores de Alcoa San Cibrao debido a que o Goberno continúa sen garantir a viabilidade da planta, abocando ao paro aos máis de 500 traballadores afectados polo ERE e outros 500 de empresas auxiliares que “ven que non se fala deles e son os primeiros que se irían”.
Elena Candia reproba así que o dirixente socialista se deprazase a Ourense para arroupar ao candidato do seu partido a presidir a Xunta, Gonzalo Caballero, sen dicir nada e que o candidato usase este tema cun enfoque claramente electoral. “O que fixo o Sr. Caballero foi poñer enriba da mesa unha gran chantaxe, ao anunciar que abordaría este tema despois do día 12. Parécenos claramente insultante, o que demostra que o aliado do candidato socialista é Sánchez e non Galicia”, manifesta.
Neste senso, a popular defende que, “se hai unha solución, esta ten que ser xa e non depender duns resultados electorais”. “O tempo de desconto cada vez é menor e, co acontecido onte, queda claro que o PSOE non ten vontade política de apoiar aos traballadores e á Mariña”. Elena Candia lamenta así que os socialistas en Madrid, en Galicia e na provincia –neste último caso, a responsable é veciña da Mariña, candidata polo PSOE ao Parlamento e, por tanto, coñecedora da situación e de que a quen lle corresponde fixar un prezo da enerxía para garantir Alcoa San Cibrao é do seu presidente en Madrid- continúen eludindo a súa responsabilidade e non aproben o estatuto electrointensivo coas alegacións presentadas, xa que “deste xeito o problema quedaría resolto”, remarca.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
