24 de Setembro de 2020

Correo | Favoritos  | Imprimir   

A Xunta achegou nos últimos días 35.600 unidades de protección contra a Covid-19 ás entidades que prestan servizos asistenciais na Mariña

15-09-20

 Lugo, 15 de setembro de 2020. A Xunta de Galicia achegou nos últimos días 35.600 unidades de protección contra o coronavirus ás entidades prestadoras de servizos sociais na Mariña, co fin de incrementar a seguridade nos centros que xestionan, na súa maioría dedicados ao coidado de menores e de persoas maiores ou con discapacidade.

A Xunta colabora garantíndolles o subministro a través dunha plataforma loxística posta en marcha expresamente para a xestión deste material fundamental. Así, realiza envíos con periodicidade semanal en residencias de maiores, vivendas tuteladas, centros de día, escolas infantís e similares, ben sexan de titularidade pública ou privada.

Nesta ocasión, entregou material en preto de medio centenar de centros de todos os concellos da comarca, dos que preto da metade atenden a nenos e nenas de 0 a 3 anos. Os envíos inclúen equipos de protección individual, luvas, máscaras e pantallas faciais, batas, mandís, gorros, e tamén xel hidroalcólico e garrafas de desinfectante.

Dende o inicio da crise sanitaria foron subministrados máis de 411.000 elementos de protección neste tipo de institucións na Mariña.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive