Foz, 17 de outubro de 2020. O Concello de Foz vén de adxudicar por 37.000 euros a construción dunha rampla para mellora a accesibilidade á Residencia de Maiores Foz e a esta zona de Marzán. A obra é financiada con cargo ao Plan Único 2020.
O alcalde, Fran Cajoto, visitou hoxe, sábado, o lugar onde se fará a obra e explicou: “estamos moi satisfeitos de anunciar a adxudicación da rampla de acceso á residencia de Foz. Desde logo o itinerario de peóns á residencia é moi deficiente, por iso é tan importante un camiño seguro para que todos os anciáns poidan camiñar sen dificultade nas súas saídas ao pobo, aínda limitadas neste momento”.
O rexedor municipal recordou que “no plenario de febreiro de 2019 houbo un acordo unánime ante unha moción presentada por Foz Plataforma de Futuro para posibilitar esta mellora. Desde o Concello creemos que hai que ser moi serios co gasto público e facer investimentos en infraestruturas que procuren un bo servizo ás veciñas e veciños. Neste sentido a rampla de acceso dará servizo non só á residencia, senón tamén a todos os veciños de Marzán da zona, moi poboada nas edificacións da Costa do Castro”.
A rampla, de 33 metros de lonxitude e 1,6 metros de anchura, salvará un desnivel de algo máis de 2 metros, permitindo conectar a Rúa do Asilo coa Rúa Costa do Castro e mellorando deste xeito a accesibilidade. O prazo de execución será de tres meses. “O obxectivo deste goberno é a mobilidade sostible na liña da axenda 2030; neste senso en próximas datas procederase á contratación do Plan de Mobilidade Urbana Sostible para ordenar e mellorar os desprazamentos en todo o casco urbano”, concluíu Fran Cajoto.
O Concello de Foz adxudica a construción dunha rampla para mellorar a accesibilidade á residencia de maiores e a esta zona de Marzán
Relacionado
-
O PP reúne aos seus representantes municipais para analizar o impacto da subida das tarifas das residencias
-
Valentín Calvín, alcalde de Ortigueira: “La llegada del HADO es una de las noticias más importantes de los últimos años”
-
O Concello de Vilalba avanza na rexeneración de camiños rurais en Sancovade
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
