Barreiros, 12 de xaneiro de 2021. A alcaldesa de Barreiros, Ana Ermida, asinou na mañá de hoxe xunto co presidente da Deputación, José Tomé, un convenio por importe de 20.000 euros que o Concello de Barreiros destinará a mellorar material de servizos sociais.
Na sinatura, á que tamén acudiu a concelleira de servizos sociais, Carmen Veiga rubricaron o compromiso da institución provincial de apoio aos concellos para o desenvolvemento e prestación dos servizos básicos.
Desde o Concello de Barreiros explican que destinarán estes fondos á adquisición de mobiliario sociosanitario, como camas articuladas ou grúas para persoas con mobilidade reducida, que se destinan a préstamo a persoas usuarias de servizos sociais, “co fin de renovar un material obsoleto na práctica que dificulta o seu emprego por tamaño e peso.”
A alcaldesa manifestou o agradecemento á Deputación de Lugo por “seguir colaborando co Concello de Barreiros en mellorar os servizos que se prestan ás veciñas e veciños, ampliando medios e adaptándoos ás necesidades actuais.”
“O Concello de Barreiros atende actualmente a 67 persoas no servizo de axuda no fogar e, tras ter ampliado o mesmo no 2020, actualmente non conta con lista de agarda”, explicou Carmen Veiga.
Ademais do material sociosanitario, o convenio asinado tamén servirá para a renovación do material ofimático do departamento; permitindo unha maior axilidade no traballo técnico e administrativo.
Barreiros adquirirá material para servizos sociais a través dun convenio coa Deputación
Relacionado
-
Ribadeo será o primeiro concello galego en aprobar unha ordenanza específica para autocaravanas e vehículos camperizados
-
Ortigueira pon en marcha a segunda edición do servizo de podoloxía e fisioterapia a domicilio para pacientes do SAF
-
A Escola Infantil Municipal de Cervo recibe formación acreditada en soporte vital básico e uso do DESA
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
