Otero Regal
Érase unha vez unha terra ben fermosa, por certo, eu nacín nela fai xa máis de medio século, que se di axiña . Houbo un tempo naquel lugar encantado en que a lingua das vacas non tiña a cor do mar. Un tempo en que ese mar non era escenario das trabas entre pescadores veciños, administracións e a xente que baixaba á ribeira a buscar un bocado , polvos, lámparos, minchas, ourizos, uns farros, unhas maragotas…. Pescadores profesionais que gañaban un xornal suficiente para algo máis que pagar o combustible. Nese tempo os cidadáns eran iguais en dereitos, deberes. Os nenos xogaban na rúa sen medo a pederastas de permiso e os políticos -os que vivían na esquerda e na dereita da rúa- adicábanse a arranxar os problemas e non a maquealos.
Houbo un tempo, naquel lugar próximo, en que para quitar un bulto das costas non che daban hora en xuño do ano próximo. Un tempo no que os veciños podían durmir e os mozos divertirse ao mesmo tempo. A música en directo non estaba perseguida. Un tempo en que as fichaxes do equipo de fútbol da zona eran comprensibles. Mesmo, gobernantes e opositores eran capaces de entenderse polo ben común e os policías locais nunca eran atentos, educados e comprensibles. As xentes dese lugar podían mercar unha casa e non morrer antes de rematar de pagala. Máis aínda, a metade do seu soldo non marchaba correndo polas catro paredes do seu fogar e as xentes non sabían o que era iso do Euríbor.
Houbo un tempo en que os traballadores non soñaban con ser mileuristas -todo un privilexio-, en que as avoas non necesitaban estirar unha ridícula pensión e as estradas eran anchas, con bo firme e con curvas abertas e ademais chegaban a tódalas partes.
Un tempo en que o xornal non anunciaba dia si e dia tamén as continuas ilegalidades no eido do urbanismo que Tiros e Trianos permitían.
Un tempo no que os cines aínda existían no centro, os coches aparcaban sen problema e os discursos non contiñan mentiras. En verán facía sol e en inverno chovía. E en outono En outono camiñabamos sen présa sobre as follas secas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
