BARREIROS .- O responsable do BNG de Barreiros, Antonio Veiga, asegura que o estudio de impacto da liña de alta tensión Boimente-Pesoz non contempla “o impacto na poboación” e que de “tres posibles trazados para a liña e só aparece un” polo que pide que se “cumpra con toda a lexislación vixente e que se escoiten as alegacións presentadas polos veciños de Vilamar”.
Antonio Veiga explica que “queremos é traballar todos xuntos para que Rede Eléctrica Española retome o proxecto, volte a facer unha exposición pública”. Veiga recoñece a iniciativa dos veciñal e afirma que “de non ser pola actitude dos veciños e pola súa preocupación e as súas reclamacións probablemente esto tería pasado por enriba deles”.
Nota de Prensa
O BNG PIDE QUE SE VOLTE A SOMETER A INFORMACIÓN PÚBLICA A LIÑA DE ALTA TENSIÓN BOIMENTE-PESOZ E QUE SE TEÑAN EN CONTA AS ALEGACIÓNS DOS VECIÑOS DE VILAMAR.
Barreiros, 6 de agosto de 2008. O BNG de Barreiros analizou onte cos veciños de Vilamar as iniciativas que a súa formación está a levar adiante sobre a liña de alta tensión Boimente-Pesoz e a planificación de actuacións conxuntas para <intentar que Red Eléctrica Española e o Ministerio de Industria dean marcha atrás a este proxecto e o volten a someter a información pública>, explica o voceiro nacionalista, Antonio Veiga. Desde o BNG barreirense entenden que <nesa exposición pública deberían contemplarse tres posibles trazados para a liña e só aparece un e prácticamente foi unha cousa que de non ser pola actitude dos veciños e pola súa preocupación e as súas reclamacións probablemente esto tería pasado por enriba deles, e nunca mellor dito, porque por encima dos veciños de Vilamar van pasar 440 KV co campo magnético que esto crea e cos problemas que eso pode supoñer para a saúde dos veciños non só desa parroquia senón de toda a zona dado que nese estudio de impacto ambiental se analiza nada máis o impacto que esta liña podería ter na fauna e na vexetación pero esquécese do impacto na poboación que é o que máis nos interesa a nós>.
Antonio Veiga asegura que na xuntanza de onte pola noite cos veciños de Vilarmar <éstes nos presentaron as súas queixas por cómo se estivo a levar todo o proceso desde o principio. Nós desde logo o que non queremos é pedir culpas e esixir responsabilidade a estas alturas. O que queremos é traballar todos xuntos para que Rede Eléctrica Española retome o proxecto, volte a facer unha exposición pública, que cumpla con toda a lexislación vixente e que se escoiten as alegacións presentadas polos veciños de Vilamar>. O voceiro do BNG en Barreiros engade que <asesorados polo vicepresidente de ADEGA, Daniel López Vispo, preparáronse unhas alegacións que os veciños están a distribuir conxuntamente con nós por todo o pobo que van ser recollidas a vindeira semana para presentalas diante da Subdelegación do Goberno. É interesante que esas alegacións, independentemente das poida ou deba ou teña que facer o Concello, se presenten de xeito individual por cada un dos veciños afectados. É moi interesante a resposta social a un problema porque aquí sobre mollado, en Galiza sempre nos toca esto: sempre nos toca ser productores de enerxía e sofrir as consecuencias sin obter nada a cambio. Nós entendemos que esto se ten que acabar e os veciños de Vilamar van seguir nesta loita>.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
