FOZ .- O grupo municipal do PP de Foz chama ao consenso para que Foz conte con unha nova residencia de maiores e, mentres, non se perda a actual. Os populares subliñan que Vicepresidencia da Xunta de Galicia “non respondeu debidamente á petición unánime feita polo pleno do concello de Foz” e piden que o concello de Foz faga “todo o posible para manter, mentres non exista outra institución, o noso Asilo”.
Nota de Prensa
O Partido Popular de Foz reclama a necesidade de ter en Foz unha Residencia de Anciáns moderna
A postura do Partido Popular de Foz neste tema é clara e prístina.
Queremos para Foz unha Residencia de anciáns ou Xeriátrico en condicións para os nosos maiores.
Hoxe en día temos en Foz un Asilo, que a pesar de contar con moitas comodidades, aínda non acadou todo o grao posible de confort para que os anciáns teñan a máxima atención, sobre todo física, ademais ninguén pode dubidar que o merecen.
Os responsables políticos debemos poñernos dacordo para conseguir prazas suficientes que garantan a calidade de vida dos nosos maiores. O Partido Popular de Foz non vai poñer ningún obstáculo para conseguilo. Con este tema non debe facerse política.
Actualmente o responsable da creación dunha Residencia-Centro de día é Vicepresidencia da Xunta de Galicia, que é responsabilidade do BNG, quen aínda non respondeu debidamente á petición unánime feita polo Pleno do Concello de Foz meses atrás, na que se solicitaba para Foz unha Residencia de Anciáns, indicando incluso a cesión gratuíta de terreos.
O Concello, co Alcalde socialista á fronte, pola súa parte debe facer todo o posible para manter, mentres non exista outra institución, o noso Asilo, hai que recordar que en Foz lévanse 75 anos atenden ós nosos maiores (con ou sen recursos propios).
Polo tanto dende o Partido Popular de Foz recalcamos a necesidade de que as distintas Administracións, local e autonómica, se poñan dacordo para dotar a Foz dunha Residencia na que se poda atender ás nosos maiores coa máxima calidade e dignidade, porque ademais é claro que o merecen.
Sería un abandono moi grande por parte da Administración deixar a Foz sen un Xeriátrico moderno e acorde cos tempos nos que vivimos, simple e puramente por diferencias políticas.
Foz, 29 de agosto de 2008
GRUPO MUNICIPAL DO PARTIDO POPULAR DE FOZ
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
