BURELA .- A delegación de Benestar Social realizará diversas actividades neste último trimestre do ano dentro do programa de atención ao inmigrante. Segundo explica Neves Cando “temos seis eixos básicos de actuación que son: educación, emprego, vivenda, servizos sociais, muller e sensibilización”.
Dentro do ámbito da educación “vaise desenvolver un obradoiro de lecturas interculturais coma acción para promocionar a educación cívica e intercultural, algo fundamental no noso concello pola alta taxa de inmigración que temos. Traballarase cos colexios e cos institutos de Burela doando desde o Concello unha remesa de libros elixidos polo profesorado dos centros para traballar cos rapaces nas aulas. Serán os alumnos de 6º de primaria e 2º da ESO. E tamén queremos axudar ao igual que os centros a realizar unha acollida educativa eficaz polo que terán lugar unha serie de charlas sobre o sistema educativo e sobre a continuación dos estudios”, explica Neves Cando.
Emprego, vivenda e servizos sociais
A concelleira de Benestar Social anuncia a “realización dun curso de autoemprego no cal os participantes aprenderán os pasos previos e os distintos trámites administrativos para poñer en marcha un negocio, ademais de motivalos para o autoemprego coma outra saída laboral”.
Neves Cando engade que no eixo da vivenda “vemos a necesidade de ofrecer unha orientación específica a cerca das modalidades de aluguer e de compra de vivenda que poden atopar”.
No ámbito dos servizos sociais “a pesares da grande traxectoria que temos, o fenómeno da chegada de inmigrantes é cada vez máis complexo e as medidas de actuación para unha óptima integración non son doadas, por iso imos desenvolver unha xuntanza dos profesionais dos servizos sociais, dos técnicos de inmigración e de todos aqueles que teñan unha relación directa ou indirecta con este fenómeno para poder entre todos ir achegándonos un pouco máis á realidade actual”, segue a relatar a edil nacionalista.
Polo que se refire ao eixo da muller, Neves Cando, apunta que “imos celebrar un obradoiro de autocoñecemento para abarcar temas coma o coñecemento do propio corpo, as relacións interpersoais, as técnicas de relaxación ou o uso de métodos anticonceptivos. E tamén imos ter un curso de redeiras para ensinar este oficio ás mulleres inmigrantes para que así poidan axudar á economía familiar”.
E en materia de sensibilización “temos dous obxectivos. O primeiro pasa por promover unha mellor comprensión dos procesos e fenómenos migratorios para diferenciar prexuízos e estereotipos. Imos continuar co arquivo documental de inmigración; queremos dotar á nosa biblioteca dunha sección específica sobre inmigración e integración e continuar a traballar cos membros das asociacións de inmigrantes para amosarlles aos rapaces a inmigración de primeira man de xeito experimental deixando patentes aspectos emocionais dos que ás veces nos esquecemos ao abordar esta temática. E o segundo obxectivo é establecer espazos de encontro entre a poboación inmigrante e a autóctona. Xunto con Tabanka imos realizar un obradoiro de cociña intercultural no local da asociación de amas de casa”, conta a delegada de Benestar Social e tenente de alcalde de Burela.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
