ALFOZ .- A Deputación Provincial de Lugo e o Motoclube EnduOuro asinarán proximamente un convenio para a creación de un circuíto de motocross na parroquia de Carballido, no concello de Alfoz, según indicou o voceiro nacionalista en Alfoz, Ivan Marrube. O investimento a realizar na primeira fase deste circuíto de motocross ascenderá a 30.000 euros.
Nota de Prensa
ALFOZ CONTARÁ CO PRIMEIRO CIRCUITO DE MOTOCROSS DA MARIÑA. AS OBRAS DA PRIMEIRA FASE QUE SE INICIARÁN EN BREVE TERÁN UNHA DURACIÓN DE DOUS MESES.
Alfoz, 5 de setembro de 2008. Alfoz contará co primeiro circuito de motocross da Mariña, segundo ven de anunciar o voceiro do BNG nese Concello, Iván Marrube. Esta tarde váise presentar nesa localidade o convenio que asinarán nas vindeiras semanas a Deputación Provincial de Lugo e o Motoclube Enduouro. As obras de construcción deste circuito que estará ubicado na parroquia de Carballido <darán comenzo en breve, xa que nuns días estarán as máquinas facendo o circuito e despois virán outras fases para ir complementando estas instalacións. Esta primeira fase estará lista nun prazo de dous meses>, explica Marrube.
O voceiro nacionalista en Alfoz asegura que <se trata dunha obra moi demandada tanto en Alfoz coma na comarca da Mariña desde hai tempo xa que hai unha grande afición a este deporte e foi un compromiso que o BNG de Alfoz adquiriu co Motoclube Enduouro. O proxecto toma forma agora para converterse nunha realidade. Nós estamos moi contentos porque vamos ter o primeiro circuito de motocross da comarca>.
Iván Marrube engade que <a instalación era necesaria porque se estaban a producir queixas dos veciños porque os amantes deste deporte o practicaban por camiños e pistas da zona e porque era unha demanda insistente dos que fan motocross, polo tanto así matamos dous paxaron dun tiro>.
O investimento a realizar na primeira fase deste circuito de motocross ascenderá a 30.000 euros.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
