BARREIROS .- O voceiro do BNG no Concello de Barreiros cualifica de cinismo e hipocrisía a actitude mantida por parte do alcalde e do concelleiro delegado de Economía no pleno dos orzamentos. Antonio Veiga asegura que “queremos resolver esta polémica estéril sobre os orzamentos porque xa se pronunciou quen se tiña que pronunciar que é Intervención, que di que son nulos de pleno dereito e polo tanto emite un informe desfavorable. Nós diante diso o que temos que facer é acatar o informe de Intervención, quen parece que non o acata é o grupo de goberno e o Sr. alcalde, ademais facendo un exercicio de cinismo e hipocrisía, cando desde o BNG e desde o grupo independente non se presentaron alegacións a esas contas. Home si temos un informe enriba da mesa que di que son nulos de pleno dereito e logo hai unha modificación dos orzamentos e non se convoca a comisión informativa de Economía ¿que alegacións ou propostas se poden facer sobre un orzamento nulo de pleno dereito? Por iso digo que este exercicio de cinismo e de hipocrisía agocha a incapacidade do grupo de goberno para elaborar uns orzamentos”.
Antonio Veiga critica o retardo co que se someteron á aprobación os orzamentos “rematado o mes de setembro e con dous intentos anteriores de borrador que non frutificaron. O informe de Intervención é claro e contundente cando di que o gasto orzamentado non cobre as necesidades básicas e que algunhas partidas están incrementadas. É un orzamento que está cheo de ilegalidades e de irregularidades como é a non convocatoria da comisión informativa e tamén que durante o pleno se nos negase a posibilidade de sermos asesorados por Secretaría-Intervención. Foi o propio alcalde o que lle negou a palabra á secretaria-interventora algo que para nós é inaudito”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
