BARREIROS .- O voceiro do BNG en Barreiros, Antonio Veiga, di que “o goberno do PP demostrounos durante todos estes anos que é incapaz de facer uns orzamentos para un Concello de 3.200 habitantes”. Veiga Outeiro considera que “os orzamentos deste 2008 están envoltos en irregularidades. Temos dúbidas de que sirvan para mellorar a calidade de vida dos barreirenses e dicimos isto porque si botamos unha ollada ás liquidacións de orzamentos anteriores e a como se executaron veremos o que pasou. Poucos veciños de Barreiros poden dicir que viran aumentado ou mellorada a súa calidade de vida, con novos servizos, con novas dotacións, cuns servizos máis axeitados á poboación… ao contrario dirán que ano tras ano a calidade dos servizos que o Concello lles presta é peor”.
Ao BNG chámalle a atención que “na liquidación de 2007 os orzamentos arroxen un resultado negativo de menos 712.000 euros. Si aínda facendo as contas en decembro do ano no que se aplican o orzamento é imposible que lles cadre desde logo que está todo dito ao respecto da xestión económica do Concello de Barreiros”. Antonio Veiga engade que “este ano aínda é máis grave, porque o Concello ten un edil de economía e facenda adicado exclusivamente a elaborar os orzamentos e mañá irá a pleno o terceiro presuposto que nos presentan no que vai de ano. En marzo presentaron uns orzamentos de 3.302.000 euros, pero retirárono porque non estaba ben; en xullo presentaron un novo por importe de 3.151.000 que tampouco estaba ben e que contaba cun informe desfavorable de intervención que dicía entre outras cousas que eran nulos de pleno dereito e insuficientes para cubrir os gastos do Concello. Agora presentan un terceiro orzamento de 3.411.000 euros, a estas alturas o pleno e mañá e non está convocada a comisión de economía e facenda que é preceptiva porque houbo unha modificación na proposta presentada anteriormente”.
O edil nacionalista engade que “falta tamén o informe de intervención que non sei si o teremos antes do pleno aínda que polo que vimos na documentación, esta foille pasada de alcaldía a intervención o 18 de setembro e intervención ten dez días para elaborar ese informe, outra cousa é que alcaldía quixera adiantarse a ese dez días… tamén raia a ilegalidade. Estes orzamentos están unha vez máis envoltos en irregularidades. Non sabemos si é desidia, descoñecemento ou si detrás destas contas queren agochar algo. O que si lle dicimos ao alcalde de Barreiros e ao concelleiro de economía é que cando xogan con cifras están xogando coas necesidades dos veciños do noso municipio. Isto non é sacar unha caixa de parafusos, nin poñer un caixón máis de cemento, nin poñer un lote de ladrillos… isto non é unha empresa de materiais de construción, estes son os orzamentos dos veciños de Barreiros para que mellore a súa calidade de vida. E os veciños queren ver algo con todos eses cartos que durante estes anos de bonanza económica chegaron ao Concello”.
Antonio Veiga asegura que o Concello ingresou polo imposto de construción, instalación e obras no ano 2006 1.990.000 euros e 700.000 euros anos o ano pasado “os veciños queren saber en que se gastaron eses cartos porque nas liquidacións non está nada claro”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
