BARREIROS .- O BNG de Barreiros presentará dous escritos diante da Demarcación de Estradas de Galicia e diante da Dirección Xeral de Tráfico para que tomen cartas no asunto e esixan o arranxo do acceso desde a parroquia de Barral en Celeiro de Mariñaos ata a N-634, no punto quilométrico 574. Antonio Veiga asegura que “ese entronque faise nun ángulo moi pechado e hai un desnivel duns catro ou cinco metros. Esa obra que comezou o Concello hai máis dun ano en época electoral está sen rematar, non ten sinalización nin protección e día tras día, semana tras semana os coches que acceden a esa estrada nacional ou a esa vía local pasan serias dificultades e créanlle tamén un problema ao tráfico que circula pola zona”.
O voceiro do BNG engade que “en vista de que o Concello non lle da moita importancia imos dirixirnos á Demarcación de Estradas e á Dirección Xeral de Tráfico para trasladarlles esta problemática que denuncian día a día os veciños e desde o Concello fan caso omiso”.
Orzamentos inflados
Antonio Veiga considera que “é unha obra que non custaría moitos cartos… por iso non entendemos que nuns presupostos que son a panacea parece ser, aínda que nós dixemos que estaban inflados e no Concello din que non… senón hai cartos para unha pequena obras pois creo que a razón está da nosa parte. Queremos tamén instar ao concelleiro de Obras, xa que temos un concelleiro con adicación exclusiva, que ademais e segundo os reparos de Intervención non xustifica os seus desprazamentos, que se desprace á parroquia de Celeiro de Mariñaos que xa testemuñaremos nós, xa lle certificaremos que sí fixo ese desprazamento, pero que tome as medidas oportunas como son: proceder ao balizamento e sinalización dese víal e rematar as obras iniciadas”. O voceiro nacionalista engade que “levaremos este asunto ao pleno de mañá e dirixiremos os escritos pertinentes e a ver si no Concello de poñen a traballar e deixan a polémica que teñen montada internamente e se poñen a executar eses orzamentos tan bós a favor dos veciños de Barreiros”.
O pleno ordinario que se celebrará mañá no Concello de Barreiros está previsto para as sete e media da tarde.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
