A MARIÑA .- O secretario provincial do Partido Popular en Lugo e deputado autonómico, José Manuel Balseiro asegurou que representantes de entidades veciñais poden presentarse para participar na “comisión de participación cidadá de saúde que vén de constituírse hai uns días sen ningún representante veciñal da nosa comarca”. Balseiro explicou que a “normativa oficial non esixe que os colectivos de veciños deban formar parte dunha federación supralocal para optar a formar parte deste órgano de seguimento do centro hospitalario burelés”.
Nota de Prensa
A normativa oficial non obriga aos representantes dos veciños a estar integrados en ningún tipo de federación
O PP INVITA ÁS ASOCIACIÓNS VECIÑAIS A QUE SOLICITEN A SÚA INCLUSIÓN NA COMISIÓN DE PARTICIPACIÓN CIDADÁ DA ÁREA NORTE DE SAÚDE
o José Manuel Balseiro asegura que Sanidade está a incumprir a lei ao nomear a representantes de colectivos lucenses para integrar este órgano de control do centro hospitalario mariñán
o O Partido Popular da Mariña brinda o seu asesoramento a través das Oficinas do Deputado de Ribadeo e Viveiro a todos os colectivos interesados en postularse para formar parte desta comisión
A Mariña, 19 de setembro de 2008.- O secretario provincial do Partido Popular en Lugo e deputado autonómico, José Manuel Balseiro, animou hoxe a todos os representantes de colectivos e asociacións veciñais da área sanitaria norte da provincia de Lugo (tódolos concellos da Mariña excepto A Pontenova) a presentar formalmente diante da Consellería de Sanidade a súa petición para participar na comisión de participación cidadá de saúde que vén de constituírse hai uns días sen ningún representante veciñal da nosa comarca.
Segundo Balseiro, os argumentos esgrimidos polos responsables de Sanidade para xustificar a exclusión de asociacións mariñáns “non cumpren a legalidade vixente” e asegurou que a normativa oficial non esixe que os colectivos de veciños deban formar parte dunha federación supralocal para optar a formar parte deste órgano de seguimento do centro hospitalario burelés. Para Balseiro a orde do 27 de maio de 2005, pola que se regula a composición, organización e funcionamento das comisións de participación cidadá (DOGA 1/06/2005) é clara: “No artigo 3, parágrafo b, dise claramente que os catro representantes das asociacións veciñais deben ter actuación no ámbito da comarca, cousa que a día de hoxe se está a incumprir ao figurar coma representantes membros de asociacións da zona de Lugo” lembrou Balseiro.
CONSELLEIRO DE SANIDADE
Para o deputado popular, os argumentos da Consellería de Sanidade negándose a modificar a representación desta comisión sanitaria mentres non o reclamen os colectivos cidadáns non son máis que escusas pouco cribles e sen ningún fundamento, “excepto o do capricho político”; e sinalou que o artigo 125 da Lei de Ordenación Sanitaria de Galicia establece que os membros das comisións son nomeados ou cesados do cargo polo conselleiro de Sanidade. “Si o goberno galego tivera realmente interese en arranxar esta chapuza só bastaría con que a señora Rubio Vidal botara unha sinatura, pero ao parecer debe estar demasiado atarefada intentando solucionar a desfeita das listas de espera, aínda que o dubido” ironizou Balseiro.
OFICINAS DO DEPUTADO
O secretario provincial dos populares brindou o apoio e asesoramento do seu partido a través das Oficinas do Deputado das que dispón o PP nas localidades de Ribadeo e Viveiro. Segundo Balseiro, é fundamental que os colectivos veciñais da Mariña (a excepción da Pontenova por estar adscrito este concello á área sanitaria de Lugo) interesados en trocar esta composición “sen sentido” da comisión de participación sanitaria nesta comarca fagan constar o seu interese de xeito oficial diante dos estamentos con competencias na materia. “Estaremos moi gustosos de axudarlles no que poidamos” sinalou Balseiro.
As Oficinas do Deputado do Partido Popular están abertas ao público todos os venres, de 11.00 a 13.00 horas en Viveiro; e de 17.00 a 19.00 horas en Ribadeo.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
