BURELA .- A Concellaría de Benestar Social porá en marcha coa colaboración do Consorcio Galego de Servizos de Igualdade e Benestar o programa Xantar na casa, “trátase dun servizo de comida a domicilio co que se pretende facilitar e garantir unha alimentación adaptada ás necesidades das persoas maiores e das persoas dependentes”, segundo relata, Neves Cando, responsable desa delegación e alcaldesa en funcións de Burela.
Cando engade que “este programa vaise implantar nunha primeira fase neste ano 2008 a partires do 1 de outubro en 129 concellos galegos elixidos segundo un estudo de necesidades feito no seu día, e Burela é un deses concellos. O que se pretende é proporcionar aos beneficiarios unha alimentación de calidade e nutritiva atendendo sempre aos casos de xeito individualizado e profesionalizado. Queremos evitar o deterioro da calidade de vida das persoas maiores e dependentes por ter moitas veces unha dieta inadecuada, queremos previr tamén situacións de risco no proceso de elaboración da comida e facilitar tamén un respiro ás familias e aos coidadores impulsando así medidas de apoio para conciliar a vida familiar e laboral das mulleres”.
Beneficiarios
Poderán beneficiarse do programa Xantar na casa aquelas persoas maiores de 60 anos que teñan limitada a súa autonomía persoal e non teñan apoio familiar; as persoas dependentes que non conten con apoio das familias e que precisen de axuda para facer a comida e as persoas menores de 60 anos que se atopen nunha situación de exclusión social tecnicamente avaliada. Neves Cando manifesta que “poderán solicitar este servizo todas as persoas que reúnan estas características e que estean empadroadas e residan en Burela. Despois todas as situación serán valoradas polos Servizos Sociais municipais. Deberán apuntarse antes de finais de setembro”.
A edil nacionalista explica que “os beneficiarios recibirán un día os 7 menús elaborados para toda a semana e que se compoñen dun primeiro prato, dun segundo e sobremesa. Son sempre menús equilibrados e completos, variados e adaptados ás necesidades dos usuarios e á gastronomía local e á época do ano na que nos atopemos. O prezo do menú ao día será de 7’5 euros dos que o usuario só pagará 2 euros; outros 2 págaos o Concello de Burela e os 3’5 restantes asúmeos o Consorcio Galego. Engadir que se comprobará que os usuarios deste servizo teñan microondas nas súas casas, xa que de non ser así váiselles facilitar un en depósito e tamén lles ensinarán a conservar e quentar os alimentos”.
Neves Cando asegura que “o que pretendemos con Xantar na casa é completar outros servizos que xa están a funcionar no noso Concello coma o de axuda no fogar. Temos 7 persoas encargadas de prestar este servizo nuns 60 fogares e tamén contamos co transporte adaptado 065. Con estes tres servizos queremos que as persoas maiores e dependentes sigan vivindo nos seus fogares o maior tempo posible e cun nivel de independencia e autonomía persoal aceptable”.
Programa “Xantar na Casa” implántase en Burela a partir de outubro
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
