BURELA .- O grupo municipal do PP de Burela asegura que “debe restrinxirse” o uso da Praza do Concello e aconsella que se hai que “usala con precaución”. Os populares afirman que a presenza de patinadores na Prazo do Concello “rebaixa a imaxe da mesma” e afirman que “a zona verde úsase ás veces como aparcadoiro, e non precisamente de coches oficiais, senón de coches de concelleiras”.
Nota de Prensa
NOTA DE PRENSA GRUPO MUNICIPAL POPULAR DE BURELA
O PP afirman que a Praza do Concello estase deteriorando a pasos axigantados.
Os populares consideran que debe restrinxirse o uso da mesma.
Aseguran que os socialistas e os nacionalistas non miran por ela porque nada fixeron por ela.
O GMPP de Burela asegurou hoxe mediante unha nota de prensa que a Praza do Concello estase degradando e deteriorando a pasos axigantados, pola incapacidade do alcalde de controlar o uso da mesma, e porque, como nin socialistas nin nacionalistas fixeron nada por ela, non se preocupan do seu cuidado.
Os populares consideran como elementos degradantes os buratos que se fixeron nas lousas da praza para asentar as fotografías recén expostas: nada en contra da exposición, pero os buratos axudarán a degradar a pedra. Tamén é degradante a presencia dunha especie de tendedeiro de redes: se se trata dunha homaxe ó mar, de acordo, pero non encaixa para nada coa fisonomía da praza. Igualmente, a zona verde úsase ás veces como aparcadoiro, e non precisamente de coches oficiais, senón de coches de concelleiras. A presencia de patinadores na praza é asidua, o que rebaixa a imaxe da mesma: alguén veu patinadores na praza de María Pita na Coruña, ou na Praza Maior de Lugo? A escalinata da entrada da praza serve como mosaico de pintadas, mesa de xogo de cartas, e demais: estamos de acordo cos grafieteiros, pero hai que habilitar zonas ó efecto.
Polo tanto, debe restrinxirse o uso da mesma, e usala con precaución. No mandado municipal do PP usouse como espacios para concertos, o que é razonable, e sempre esmerando a súa limpeza posterior. Actualmente, o deterioro vai en aumento día a día, e non parece razonable que quenes criticaron que se levantara para facer un parking soterrado agora se empeñen en desfacela día a día, porque nada fixeron por construila e incluso se opuxeron á sua financiación.
Os cidadáns de Burela temos que darnos conta de que nin ó alcalde nin á tenente de alcalde lle interesa nada distinto ó que non sexan festas e aproveitamento dos espacios e cartos de todos para sacer beneficios políticos.
O GMPP de Burela.
En Burela, a quince de Setembro de dous mil oito.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
