LOURENZÁ .- Lourenzá vive datas intensas con motivo da Festa da Faba que este ano chegou a decimo oitava edición. O mercado das fabas e a degustación das mesmas, preparadas de distintos xeitos, e o principal activo da festa, que conta con actividades paralelas. Esta é o primeiro ano no que a faba de Lourenzá conta con denominación de “Indicación Xeográfica Protexida”
Para a elaboración da degustación os organizadores contaron coa colaboración da escola de hostalería de Foz e o mestro de cociñeiros Xesús Liste.
O conselleiro de Medio Rural estivo na inauguración da Festa da Faba.
Nota de Prensa
Suárez Canal destaca que o potencial da Faba de Lourenzá na oferta culinaria medra coa consecución do selo de indicación xeográfica protexida
O conselleiro do Medio Rural, Alfredo Suárez Canal, asistiu á festa de enxalzamento da Faba de Lourenzá, declarada de Interese Turístico Galego
Suárez Canal salientou o interese xenético, cultural, agrario e económico que representa a recuperación, conservación e fomento desta variedade vexetal autóctona, que atopa recoñecido o seu potencial culinario co distintivo de calidade
Santiago, 4 de outubro de 2008.- O conselleiro do Medio Rural, Alfredo Suárez Canal, acompañado do delegado provincial de Lugo Emilio López, asistiu á inauguración da Festa da Faba de Lourenzá, onde explicou que dende este verán é posible a comercialización da Faba de Lourenzá co selo de Indicación Xeográfica Protexida dentro do Estado español.
Medio Rural traballa tamén, a través do Instituto Galego de Calidade Alimentaria, para a aprobación do Regulamento da Denominación e do Consello Regulador da Faba de Lourenzá que, neste momento con carácter provisorio, estará a cargo da posta en marcha da denominación, segundo o publicado recentemente no DOG.
Produción
A Faba de Lourenzá pertence á variedade local de ‘faba galaica’ e presenta unhas calidades específicas que a diferenza doutros produtos da mesma especie vexetal, debido ás condición edafolóxicas e climáticas da zona e ás técnicas tradicionais de cultivo mediante as que se produce a faba. Este feixón de tamaño grande ten unha elevada capacidade de absorción de auga e un excepcional comportamento en cocción.
A área de produción desta indicación xeográfica protexida abarca o territorio costeiro da provincia de Lugo -a Mariña Lucense- que engloba os concellos de Alfoz, Barreiros, Burela, Cervo, Foz, Lourenzá, Mondoñedo, Ourol, A Pontenova, Ribadeo, Trabada, O Valadouro, O Vicedo, Viveiro e Xove. Segundo datos do propio sector, o número de produtores que cultivan faba que podería adherirse a esta indicación roldaría os 500 e o seu valor de mercado situaríase arredor dos 10 euros/quilo. Así mesmo, o prego de prescricións técnicas deste produto recolle que só poderá ser comercializado co distintivo en fresco, nunca transformado.
Na actualidade, no rexistro da IXP Faba de Lourenzá existen 63 produtores e 7 envasadores. A superficie rexistrada é de 59 ha e a produción media agardada é de 105 Tm. A maioría das explotacións concéntranse nas comarcas da Mariña Central e Oriental, sumando máis do 98% do total da provincia. Na Mariña Central, a superficie cultivada é de 107.67 ha, con 195 explotacións. O Concello de Lourenzá (75.27 ha e 111 explotacións) é o que abarca o maior número de explotacións da comarca (70% da superficie total comarcal). Na Mariña Oriental, a superficie cultivada de faba é de 62 ha, con 92 explotacións. A superficie media por explotación nas dúas Mariñas é de 6000 m2.
A maridaxe entre a variedade ‘faba galaica’ e a zona de produción delimitada foi constatado nun estudo do Consello Superior de Investigacións Científicas (CSIC) no que se conclúe que o comportamento desta variedade en canto á validade comercial do gran é moi superior cando se cultiva na área de produción delimitada fronte ao seu cultivo noutras zonas. Por iso é indubidable o interese xenético, cultural, agrario e económico que representa a recuperación, conservación e fomento desta variedade vexetal autóctona, que atopa recoñecido o seu potencial culinario co distintivo de calidade.
De acordo prego de condicións da IXP Faba de Lourenzá, o envasado realizarase mediante o emprego de maquinaria dosificadora automática, dentro da zona xeográfica delimitada co obxectivo de garantir a rastrexabilidade do produto e asegurar o control, cun sistema de certificación que permite garantir a orixe das fabas de Lourenzá.
Infraestruturas
Ademais, o conselleiro referiuse ás actuacións proxectadas por Medio Rural na comarca, como son a mellora de accesos en Centeás en Madeira, na parroquia de Oirán (Mondoñedo), a mellora de camiños en Dodelle e Pumardedón (Lourenzá), a rede de distribución de auga en Adelán (Alfoz), o saneamento e abastecemento na rúa Vilar e no Camiño dos Corvos (Burela), a limpeza de cunetas nas parroquias de San Acisclo, Vilaronte Santa Cilla e San Martiño (Foz), o saneamento e depuración dos núcleos do Grove e Avidueiras (Mondoñedo), o acondicionamento da pista dos Ríos, da estrada de Foz á estrada da Diputación, do camiño das Veigas e o da Fonte da Vila (O Valadouro) e a mellora de camiños de concentración parcelaria nas parroquias de Santa María Maior, O Carmen, Masma e Argomoso (Mondoñedo). O investimento previsto para estas actuacións de infraestruturas na comarca da Mariña Central é de 889.900 euros.
O Programa de Estratéxico de Infraestruturas no Medio Rural 2006-2009 foi concibido para fomentar proxectos que incidan directamente na dinamización da base produtiva do medio rural, co obxectivo de dignificar e mellorar a calidade de vida da poboación que reside nestas zonas e contribuír a fixar poboación. Deste xeito, tamén se atende a proxectos singulares de obras en infraestruturas asociados directamente ao incremento da superficie agraria útil ou ao incremento do emprego agrario.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
