NOTA DE PRENSA
Ante os acontecementos que se están a dar no centro asistencial de Foz, e as declaracións das persoas responsables tanto do Padroado como do Concello dende a CIG queremos manifestar o seguinte:
Parece evidente, a pesar da pouca información da que se dispón, que entre o Padroado e o Concello por unha banda, e a ONG que xestiona o asilo, “Mensajeros de la Paz”, pola outra, están a dirimir as súas diferenzas de cara á renegociar as condicións da concesión coma se dun partido de futbol se tratase e quen recibe as patadas, o balón, serían neste caso as traballadoras do centro.
Desgraciadamente este tipo de actitudes e a utilización do máis débil como un obxecto máis no taboleiro dunha negociación ven sendo unha practica habitual dos “poderosos” na nosa sociedade e máis nas relacións laborais.
A falta de consideración para coas traballadoras que levan moitísimos anos de responsable e eficaz traballo nesa institución (algunha leva 18 anos), resulta evidente cando teñen que enteirarse pola prensa da posibilidade de que o seu centro de traballo peche, de que os xestores actuais teñen previsto abandonar o centro, etc., e ninguén (empresa, Padroado ou Concello) se dirixe a elas para informalas. Desconsideración extensible aos residentes e familiares que son tamén vítimas desa mesma falla de información.
Se todo isto non fora suficiente para crear unha sensación de desacougo, de incerteza, de frustración e, por qué non, de medo no conxunto das doce traballadoras do asilo, aparecen de novo o Padroado e o Concello botándolle máis leña ó lume cunhas novas manifestacións dicindo que o asilo segue pero que se vai contratar a outras. Fálase de contratar un novo persoal en condicións de “igualdade, mérito e capacidade” para continuar a facer as mesmas tarefas e no mesmo centro de traballo. Entendemos que isto sería de aplicación para a contratación do persoal da nova residencia de Vicepresidencia pois tratarase do ingreso na administración pública.
As residencias da terceira idade , así coma outros colectivos (vixilancia e seguridade, limpeza, etc ) teñen recollidos nos seus respectivos convenios de aplicación o dereito de subrogación. Este dereito permite que as traballadoras e traballadores dunha concesión continúen nos seus postos de traballo cando outra empresa se faga cargo da mesma. O obxecto desta subrogación e dobre: garantir a eficacia dos servizos e evitar a rotación innecesaria de persoal co que supón de merma na calidade dos mesmos, e por outra banda dar estabilidade laboral ás traballadoras e traballadores.
Pero no caso do asilo de Foz non é unha cuestión de dereito laboral, é unha cuestión de sentido común. Que delito cometeron estas traballadoras para que despois de tantos anos queiran prescindir delas? Si vai continuar aberto o asilo coa mesma ou outra dirección, non sería máis eficaz manter a estas experimentadas traballadoras?
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
