BURELA.- Hoxe instálase na Praza do Concello de Burela o punto tecnolóxico de Cidades Dixitais no que os cidadáns poderán atopar información sobre a cultura, o deporte, as praias, as rutas, o comercio, a hostalería… O concelleiro delegado de Industria, Comercio e Turismo, José González Legazpi asegurou na presentación que “si dende esta delegación no pasado mes de febreiro informabamos xa da intención de traballar para conseguir que o noso municipio formara parte do programa de Cidades Dixitais e sendo conscientes de que dende os Concellos se debe apostar por mellorar as tecnoloxías ao servizo das necesidades dos cidadáns. E que máis adiante anunciabamos que se atopaba amplamente desenvolvido este proxecto, hoxe compre dicir que aquela intención é xa unha realidade porque nestes momentos estase a instalar na Praza do Concello ese Punto Tecnolóxico de Información que nos integra definitivamente na rede de Cidades Dixitais e que nos vai permitir proporcionar como xa temos comentado información de interese aos cidadáns mediante un programa personalizado para Burela, con espazos para a cultura, o deporte, a hostalería, o comercio, as praias, as rutas, as festas, etc…·.
O edil nacionalista engade que EEn definitiva, todo o que ten que ver co turismo, a cultura e o lecer, dispoñendo tamén dun apartado para o cidadán, no que poderá atoparse toda a información sobre a administración municipal; e tamén sobre o noso deporte, as nosas asociacións, os nosos centros educativos”.
González Legazpi considera que “formar parte das Cidades Dixitais permitiranos intercambiar información turística con outras cidades que xa contan con este programa…de xeito que o impacto publicitario e a expansión turística do noso Concello verase multiplicada. Referir tamén, que dende o inicio deste proxecto hasta hoxe, día da súa instalación fixéronse modificacións no senso de mellorar o seu rendemento, así a pantalla de emisión superior que inicialmente era de 19 polgadas pasa a 50 o que representa unha mellora significativa. Dispón na súa pantalla posicional dunha imaxe da praia urbana co nome do noso Concello, xunto aos iconas de acceso idiomático que nos permiten a súa utilidade en galego, castelán e inglés, avanzándose con posterioridade a través de cinco menús principais denominados : historia e arte; turismo e natureza; feiras e congresos; burela hoxe; e lugares para ver, que nos van guiando a outras moitas posibilidades de iteración sempre de modo táctil, e asequible a todo tipo de persoas. En definitiva Burela da hoxe un paso importantisimo no campo das tecnoloxías da información, que nos permitirá sen dubida ser máis coñecidos noutros lugares, e tamén dispoñeer de ampla información”.
O concelleiro de Turismo agradece .
Así é Burela, é o lema da pantalla inicial que nos levará por amplos espazos de información e interés.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
