RIBADEO .- A Concellaría da Muller de Ribadeo desenvolverá diversas actividades neste mes, en decembro e tamén en abril dentro da IV edición da campaña Un futuro por compartir en igualdade organizada con motivo da celebración do día internacional contra a violencia de xénero. A responsable deste departamento Mariluz Álvarez Lastra dixo que por “cuarto ano consecutivo poñemos en marcha esta campaña de sensibilización para traballar cos máis pequenos xa que pensamos que a intervención con accións que promovan valores igualitarios e coeducativos deben darse desde Idades temperás”. A edil nacionalista agradeceu a participación de todos os centros de ensino de Ribadeo en dita campaña: Gregorio Sanz, Sagrado Corazón, Dionisio Gamallo Fierros e Porta da Auga.
A vindeira semana, o mércores 26 e o xoves 27, haberá obradoiros de coeducación impartidos por Andamiaxe nos que se abordarán aspectos coma os oficios e tarefas, a corresponsabilidade ou a violencia de xénero, entre outros. Neles participarán rapaces de 2º de infantil, 3º e 6º de primaria e 1º e 2º de ESO.
E para o venres 28 de novembro está previsto un encontro lúdico-festivo da mocidade contra a violencia de xénero, no pavillón do Gregorio Sanz a partires das 7 da tarde e destiñado a rapaces a partires de 12 anos. Trátase dun concerto no que participarán membros dos grupos: Amigos de lo Ajeno, Skala Drinker, Medio Gramo, Beatle Judges, Sempre se Fixo, Operación Punk e Sinestesia “eles van facer versións de temas que abordan a problemática da violencia de xénero. E os estudantes que participen no encontro irán con símbolos identificativos coa loita pola eliminación da violencia exercida hacia ás mulleres. É unha das novidades que preparamos este ano”, explica Mariluz Álvarez Lastra. A entrada é libre e gratuita. Ese día pola tarde no mesmo centro haberá un obradoiro de bebidas saudables que impartirá persoal da Escola de Hostelería de Foz.
Os días 17 e 18 de decembro vánse impartir obradoiros de sexualidade e afectividade dirixidos ao estudantado de 3º da ESO do IES Dionioso Gamallo Fierros, Sagrado Corazón e Porta da Auga. E no mes de abril de 2009 os alumnos de 4º da ESO visitarán as instalacións do centro Quérote de Burela onte recibirán a II parte deste obradoiro de sexualidade e afectividade.
Xa finalmente tamén na primaveira desenvolveránse as I Xornadas A mocidade a debate. Os alumnos de 4º da ESO, Bacharelato e ciclos realizarán traballos que versen sobre diferentes temáticas relativas á participación da mocidade, as drogas, a igualdade entre homes e mulleres… poderán facer unha reportaxe ou documental no formato que eles entendan que transmite mellor o que queren expresar. Antes do 19 de decembro terán que comunicarlle ao CIM que persoas compoñen o grupo de traballo e a temática na que van traballar. Os mellores relatos seleccionaranse para participar nesas xornadas nas que terán que facer unha exposición pública ante persoas especializadas no tema.
Esta campaña Un futuro por compartir en igualdade está organizada pola Concellaría da Muller de Ribadeo, a través do CIM, da OMIX e da Oficina de Prevención de Drogodependencias. A campaña está integrada no proxecto Un Ribadeo sen violencia e en igualdade. “É un programa experimental e innovador que conta co patrocinio da Secretaría Xeral de Igualdade que nos concedeu unha subvención de 7.000 euros aos que hai que unir os 2.000 que pon o Concello para afrontar os gastos dos obradoiros, das actividades que organizamos ao longo destes días”, engade a edil da Muller, Mariluz Álvarez Lastra.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
