BURELA .- A concelleira de Benestar Social, Neves Cando, anuncia que responsables da Consellería de Vivenda informarán o vindeiro martes 9 de decembro ás 19:00 horas no Salón de Plenos do Concello aos afectados polo plan sectorial de vivenda protexida que a Xunta ten previsto realizar na zona de Foxo. Cando considera que “este plan pretende mellorar a calidade de vida dos veciños e veciñas do noso concello e poñer en circulación solo residencial para construír vivenda protexida, vivenda para todos e a prezos asumibles. E para iso fíxose un estudo rigoroso por todo o país coa intención de delimitar zonas onde é necesaria esta vivenda e Burela como vila en crecemento que é resulta ideal para emprender este plan e dotarnos de vivendas protexidas para que os nosos mozos e mozas e todo aquel que o necesite poida optar a unha vivenda digna e a un prezo razoable”.
Parón da iniciativa privada
A edil nacionalista engade que “é unha oportunidade ante a crise económica e financeira mundial para as familias, para que as persoas que teñen máis dificultades e para que as que teñen rendas medias poidan acceder a unha vivenda sen que iso implique un esforzo superior ao 30% dos seus ingresos, como ven acontecendo na actualidade. É tamén unha oportunidade para o sector empresarial porque é evidente que a execución do plan contribuirá a xerar actividade económica e a manter moitos postos de traballo no sector da construción. En definitiva é unha oportunidade para Burela porque vai supoñer desenvolver solo para vivenda protexida para os veciños nun momento de parón na iniciativa privada”.
Neves Cando considera que “desde Vivenda mantivéronse xuntanzas con este Concello para informar, apostar e suxerir áreas de actuación e o resultado final é esa zona de Foxo que abrangue unha superficie de máis de 50.000 metros cadrados onde se prevé construír 219 vivendas, das que a maioría serán de protección autonómica é dicir protexidas para as rendas medias e ás que poderán acceder as familias con ingresos que superen os 3.300 euros mensuais, que é o nivel de ingresos do 85% da poboación galega”.
Críticas ao PP
A concelleira de Benestar Social non entende e amósase sorprendida pola actitude do PP de Burela “opoñéndose a que se fagan estas vivendas protexidas e pronunciándose en contra destas políticas sociais e en contra dun novo urbanismo racional e de calidade para os nosos veciños. En lugar de apoiar estas medidas prefiren favorecer os intereses dos que fan vivendas a prezos desorbitados apoiando o negocio duns poucos e amparando a especulación urbanística do solo que encarece a vivenda”. Cando entende “a preocupación dalgúns veciños propietarios de solares da zona e por iso estamos informando desde o primeiro momento e día a día aquí no Concello de maneira rigorosa e clara a todos aqueles que o solicitan e por iso está convocada esa xuntanza para o vindeiro martes”.
A concelleira do BNG manifesta que “o PP di que vai informar aos veciños pola desidia do Concello e de Vivenda e vou comentar dúas cousas. En primeiro lugar espero que o PP informe ben, sen manipular e sen crear alarma social inxustificada e que teñan máis coñecemento deste plan sectorial do que tiña o seu voceiro municipal a pasada semana que aínda non coñecía moi ben a zona marcada por dito plan para Burela. E en segundo lugar, non é certo que non se estea a informar aos veciños porque están a recibir toda a información que nos demandan. Ademais quero lembrar que Vivenda dixo que a intención é acceder á totalidade dos terreos de mutuo acordo cos propietarios ben por compra ou por permuta de solo bruto por solo urbanizado con destino a vivenda de prezo taxado”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
