NOTA DE PRENSA:
O GMPP solicita un pleno extraordinario para que se paralice o Plano Sectorial do Solo Residencial en Burela.
Os populares afirman que a reunión do martes foi de desprecio ós veciños e evidenciou a intolerancia e o despotismo do alcalde.
Consideran que a Xunta de Touriño e Quintana non fixo nada en materia de vivenda en Burela.
O GMPP de Burela afirmou hoxe nunha rolda de prensa que vén de presentar no rexistro do concello unha petición de pleno extraordinario para que se paralice o Plano Sectorial do Solo Residencial no termo municipal burelés, porque non houbo un proceso claro de información, esta chegou mui tarde, e ademais non está claro o xeito de obtención do solo por parte da Xunta, que fixa un prezo sen contar cos veciños, levanta a afectación dos cincocentos metros únicamente para esa superficie, deixando afectado todo o o resto do entorno”.
Para os populares, a Xunta faise así cunha bolsa de solo a baixo prezo; ademais, “o proceso de compra-venda non existirá, porque o prezo xa está fixado de antemán pola vía da expropiación, que é o que figura no documento e todo o demais é leria”.
Os populares afirman que a reunión do martes deixou de manifesto que a Xunta quere quedarse con solo a baixo prezo, e que ademais minte descaradamente, co asentimento do alcalde e de Nieves Cando, falando de permutas, porque non dixo con quen se permutaría e ademais sabe que é imposible facelo; teñen que decir a quen llo sacarían e a quen llo darían, porque eles, de momento, nada teñen. Tampouco dixeron cando pagarían.
E por riba, tratouse con desprecio ós veciños, e mesmo se lle cortou a palabra a quen, estando afectado, tentaba aclarar os pasos a dar pola Xunta e preguntaba polo seu, algo que o alcalde e Nieves Cando non entenden porque non son afectados. O alcalde e Nieves Cando xa saben agora que non é igual predicar que dar trigo, e eles non fan nin unha cousa nin a outra.
Segundo o GMPP, a maioría dos veciños e veciñas afectados que foron consultados están en contra deste proceso, e polo tanto consideramos que o Concello debe tomar parte na defensa dos intereses dos cidadáns.
Por eso, segundo os populares, a bolsa de solo que se destine a tal efecto debe contar cun consenso previo de propietarios afectados, concello e Xunta. Ademais, entendemos que o alcalde non pode quedar á marxe desta problemática, e hasta o momento só demostrou o seu carácter intolerante e soberbio, como fixo o pasado martes na reunión con propietarios, lonxe dese “buenismo” do que presume, o que deixa ben ás claras que este home non é o alcalde que se merece Burela e el non merece ser alcalde, porque sinxelamente é incapaz de adoptar calquera tipo de decisión ca non sexa a de cobrar caseque cincuenta mil euros anuais.
Igual de patético é o papelón de Nieves Cando, que asume como bon todo o que lle diga o seu partido. O martes non abreu a boca en toda a xuntanza cos veciños. Non sabemos que pensarían o alcalde e Nieves Cando se fosen propietarios afecados, pero claro, como non o son, é mui doado xogar coas propiedades dos demais.
Ademais, esta bolsa de solo non está incluida no planeamento urbanístico actual; de continuar a súa tramitación, o plan xeral de ordenación municipal quedará mui condicionado, e ademais desaparecerá totalmente a posibilidade de que os propietarios poidan acadar rendabilidade ás súas propiedades.
Para o PP, o BNG e Nieves Cando minten cando falan da promoción de vivenda pública. Esquecen que a Xunta foi incapaz de facer nin unha soa vivenda de promoción pública en Burela, que as trinta e dúas do Torno foron feitas co PP e ainda están sen entregar; ainda non foron capaces, un anos despois, de poñer a disposición da Xunta a finca de Torrentes destinada a vivenda de promoción pública, e non hai que esquecer que en Burela hai bastantes pisos de protección autonómica sen vender, a inmensa maioría iniciados cando o PP estaba na Xunta, o que demostra a inoperancia, incapacidade e irresponsabilidade da Xunta de Touriño e Quintana, que a tres meses das eleccións pretenden lavarse a cara nun asunto que sempre trataron con demagoxia e que queren teñir de populismo.
Os acordos que o PP entende que se deben adoptar na sesión extraordinaria do Pleno da Corporación son os seguintes:
1 .- Dirixirse á Xunta de Galicia para que as actuacións previstas no concello de Burela, tal e como aparecen no Plano Sectorial de Solo Residencial, sexan eliminadas como tales.
2 .- Dirixirse á Xunta de Galicia, e en concreto á Consellería de Vivenda e o Solo para que coordinadamente coa Corporación Municipal se proceda á busca de solo no noso concello, destinado á construcción de vivenda de promoción pública, previa información e aceptación dos veciños e veciñas afectados.
En Burela, a quince de Decembro de dous mil oito.
O Grupo Municipal Popular de Burela.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
