NOTA DE PRENSA
O DOGA de hoxe publica a licitación do treito entre Celeiro e San Ciprián pero quedarían pendentes a adxudicación e a execución da obra, trámites que poderían prolongarse varios meses o incluso varios anos
A LENTITUDE ADMINISTRATIVA DA XUNTA CONFIRMA QUE O CORREDOR DA COSTA NON ESTARÁ LISTO NO 2011 TAL E COMO PROMETERON TOURIÑO E CARIDE
* Aínda non se ten elaborado o proxecto construtivo do treito de maior complexidade técnica, o coñecido como “variante de Viveiro”. Xunto a iso as obras do resto dos tramos que discorren pola nosa provincia aínda non foron licitadas, á excepción do que hoxe aparece no DOGA.
* Balseiro resta credibilidade a posibilidade de desdobramento do corredor en autovía e lembra que a CPTOT condiciona esta posibilidade “a cando a intensidade do tráfico así o requira”.
* A falta de vontade política da Xunta para levar adiante esta infraestrutura ten a súa manifestación máis explícita na redución en máis dun 44,6% do orzamento destinado ao corredor no 2009.
A Mariña, 09 de xaneiro de 2008.- A lentitude administrativa da Xunta confirma que a vía de alta capacidade (VAC) entre Ferrol e San Cibrao non estará lista no 2011 tal e como prometeron o Presidente do Goberno galego Emilio Pérez Touriño e a conselleira de Política Territorial María José Caride. A devandita afirmación resulta acreditada, segundo o deputado popular José Manuel Balseiro, no propio estado da infraestrutura: “Non é posible que ningún dos treitos entre en servizo nesa data porque a que está a piques de rematar foi unha lexislatura perdida, na que a Xunta veuse incapaz de iniciar as obras en ningún quilómetro”
O Presidente da Xunta estableceu esta data, ano 2011, como horizonte de entrada en servizo desta infraestrutura con ocasión dunha visita ás localidades de Cariño e Cedeira en xaneiro do ano pasado. Pola súa parte a titular do departamento autonómico de Política Territorial e Obras Públicas, a socialista María José Caride, adiantou esta data con ocasión da xuntanza que mantivo cos alcaldes da Mariña, en decembro de 2007. Ambos faltaron á verdade. A situación actual afasta o horizonte máis optimista de finalización das obras do VAC Costa Norte ata máis ala da metade do ano 2012.
LICITACIÓN DA OBRA NO TREITO CELEIRO-SAN CIPRIAN
O deputado popular felicítase porque a Consellería de Política Territorial tivera a ben publicar no Diario Oficial de Galicia de hoxe a licitación do proxecto de construción do treito entre Celeiro e San Ciprián máis subliña que aínda está pendente a adxudicación desta obra e o inicio dos traballos de construción da futura vía “Falamos por tanto dun proceso que levará moitos meses, incluso anos”. Xunto a iso, Balseiro dubida que a Xunta contemplara a día de hoxe o proceso de expropiación das fincas afectadas polo trazado do futuro corredor neste treito.
TRÁMITES PENDENTES
A maiores de todos estes datos, o deputado popular subliña que a Consellería de Política Territorial aínda ten pendente finalizar o proxecto construtivo definitivo do treito que maior complexidade técnica carrexa, isto é, a coñecida como variante de Viveiro e, no referente á provincia de Lugo, non existe ningún outro treito que alcanzara ao trámite de licitación. “O VAC Costa Norte acumula un retraso inaceptable, que a Xunta pretende ocultar con este tipo de novas de marcado carácter preelectoral”- conclúe Balseiro Orol
DESDOBRAMENTO EN AUTOVÍA
Por outra banda, o deputado popular resta credibilidade ao feito de que o proxecto construtivo do treito hoxe adxudicado (Celeiro-San Cibrao) incorpore melloras técnicas que permitirían o seu desdobramento en autovía. Balseiro lembra que a propia CPTOT condiciona esta actuación a “cando a intensidade do tráfico así o requira”. Segundo o deputado do PPdeG a intensidade do tráfico xa require a existencia dunha vía coas características de corredor, e a Xunta bipartita non foi quen de facelo polo tanto, non é crible que vaian a agora pretendan construír unha autovía. É máis, segundo Balseiro, xa poderían existir treitos que, polo número de vehículos que por eles transitan, poderían ser desdobrados en autovía e pese a iso non o están a facer.
MENOS CARTOS, MENOS COMPROMISO
Finalmente, os populares insisten na importancia que ten o corredor da Costa, para vertebrar e comunicar á nosa comarca coa provincia da Coruña e, a través da A8, co resto de España e de Europa. A pesar diso, os orzamentos de 2009 reducen en máis dun 44,6% os investimentos respecto ao previsto no 2008: Se as contas autonómicas do presente exercicio prevían achegar para o ano próximo 12,4 M €, a realidade é que nos orzamentos xerais recentemente aprobados a consignación é moi inferior: 6,8 M € euros -4.865.502 para obras e 2.000.000 máis para expropiacións- “Ningún dato tan claro para evidenciar o nulo compromiso do actual Executivo autonómico co corredor”
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
