BARREIROS .- (FNC) O alcalde de Barreiros, Alfonso Fuente, desprazóuse nas últimas xunto co responsable do servizo de augas ó depósito de Celeiro de Mariñaos “porque estaba a ter unha perda importante de auga. Unha vez chegados alí xa os técnicos do Concello fixeran un análise de auga para saber si procedía da autovía, dos montes… e víuse que era auga con cloro, polo tanto procedente da traída”. Segundo o rexedor “estou veu motivado polas traballos da A-8 que se fixeron ó lado do depósito. Nós xa puxéramos esto en coñecemento de Fomento no seu día cando nos pediron unha serie de autorizacións. Nós presentamos precisamente un documento que incluso Fomento non quería admitir no que eu facía mención a que existía un depósito de auga potable e que a autovía pasaba moi cerca e ó final tivérono que admitir porque nós non cedíamos nesa loita porque sabíamos que podía pasar esto e pasou”.
Fuente Parga considera que “os traballos da autovía ocasionaron esta avería. Todo indica que hai un tubo de saída do depósito que é de fibrocemento e coa cantidade de terra que lle botaron enriba é posible que fendera, de feito onte pola mañá houbo que restrinxir o abastecemento de auga sobre todo á parroquia de Celeiro para facer unhas probas. Agora se está bombeando e o servizo de auga está a funcionar. Todo o mundo ten auga nas súas casas”. O alcalde advirte que “é posible que a partires de hoxe venres empecen os traballos de arranxo deste tubo e estivemos a coordinar coa empresa COMSA (que é a que está a facer este tramo de autovía) de forma que só durante unha mañá e será xa a próxima semana sobre o martes ou o mércores cando a parroquia de Celeiro de Mariñaos estea toda unha mañá sen auga”.
Alfonso Fuente engade que “se avisará. Xa sabemos que será un incordio para eses veciños estar toda unha mañá sen auga, pero se van a substituir todos eses tubos de fibrocemento ou uralita por outros de pvc que soportarán mellor eses pesos da terra e irán colocados de xeito que queden máis accesibles para seren reparados”.
O rexedor barreirense puntualiza que “como a avería se produciu no inverno non se notará moito no abastecemento de auga a Barreiros, pero si fose no verán sí que se notaría e moito”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
