A Asociación de Mulleres Rurais As Espalladoras convida aos veciños da parroquia de Vilaestrofe e do resto do termo municipal a unha noite de guateque no centro social Antiga Escola, o sábado, a partir das nove da noite. E en Cervo, no segundo andar do Ecomuseo, as seis e media da tarde, proxectan “Sara”, longametraxe rodada integramente en Galicia
- Excursión da UNED Senior de Viveiro
Os alumnos da UNED Senior da asignatura "Aproximación a la historia del arte medieval", acompañados pola profesora, Asunción Juiz, realizaron unha viaxe a Oviedo para visitar o Palacio de Santa María del Naranco, a Igrexia de San Miguel de Lillo, a Catedral de Oviedo e o Museo de Bellas Artes. - Proxección de Matria en Barreiros
Será con dous pases, este domingo 11 de xuño, no centro sociocultural de San Cosme, ás 18:30 e ás 20:30h. Desta volta haberá que mercar as entradas que terán un prezo de 2,50€. Estarán a venda unha hora antes de cada función - O XIII Concurso Fotográfico de medio ambiente "Cervo Respecta" xa ten gañador@s
Primeiro Premio: Fernando Fra Rico, San Ciprián (Cervo), coa fotografía titulada "O Camiño das Estrelas" (55 puntos). Segundo Premio: María Fernández Cabaleiro, Xixón (Asturias) , coa fotografía titulada "Triste Legado" (54 puntos). Premio Top Cervo: Fernando Fra Rico, San Cibrao (Cervo), coa fotografía titulada "O Camiño dás Estrelas" (55 puntos), ao ser a fotografía do Concello de Cervo con maior puntuación. En total, foron 41 as instantáneas que participaron neste concurso convocado con motivo do Día Mundial do Medio Ambiente. - A irmandade de Mulleres da Santa Cruz prepara os tapices florais para a Festividade do Corpus de Viveiro
Realizaranse na Praza Maior onde se fai a Bendición do Santísimo a todos os presentes; na Igrexa de Santa Maria, de onde parte a Procesión; na Igrexa de San Francisco, onde se entra como parte do percorrido procesional. Convídase a todos os voluntarios que queiran colaborar, cortando o verde no taller previsto na Casa dos Mestres, é moi importante que se sumen a esta tarefa pois fai falta man de obra, o horario é das 16h en diante. Tamén poden axudar levando a súa e cortándoa en casa. E por suposto para elaborar os deseños feitos con sal tinguido, as flores etc. que será o sábado día 10, a partir das 20h. De antemán, a Irmandade da Santa Cruz dá as grazas a todos os que fan posible coa súa axuda o seguir con este labor que se vén realizando desde hai 20 anos. - Ducias de persoas reuníronse na Praza do 8 de Marzo, en Ribadeo, para amosar a súa repulsa polo asasinato machista de Ana Vanessa Serén Penas, cometido esta fin de semana na localidade pontevedresa de Oia
O Concello de Ribadeo sumouse á convocatoria realizada polo Observatorio da Mariña pola Igualdade. As súas representantes deron lectura a un comunicado. Tamén desplegaron unha pancarta na que se podía ler: "Defendamos a igualdade. Fronte á violencia machista, loita feminista". - Cervo celebra o Día do Medio Ambiente
Saiuse á praia co alumnado do CEIP Península da Paz, e realizouse unha limpeza da Caosa, unha iniciativa de concienciación sobre a importancia de manter os nosos espazos naturais libres de refugallos, tal e como sinalou a edil de Medio Ambiente en funcións, Mali Méndez, que coordinou a actividade didáctica. - Tres persoas feridas no Vicedo
Unha colisión frontal entre dous vehículos saldouse con tres persoas feridas, entre elas unha muller embarazada. O accidente produciuse á altura da parroquia de San Miguel de Negradas, ás 17:30 horas deste domingo. A partir de aí, desde o 112 Galicia, tras recibir o aviso a través dunha persoa particular, púxose a situación en coñecemento de Urxencias Sanitarias de Galicia-061, da Garda Civil de Tráfico e dos voluntarios de Protección Civil do Vicedo.
2021 Crónica 3 A Mariña - Implementado por GaliciaDigital