RIBADEO (FNC) .- O BNG sumouse no pleno de onte á moción presentada por PP, PSOE e UPRI e todos acordaron rexeitar a actual situación do plan sectorial de solo residencial da Xunta. Segundo explica o alcalde, Fernando Suárez, “nun primeiro momento despois de que os portavoces expuxeran as súas argumentacións, que curiosamente foron discrepantes entre eles en moitos aspectos, coa idea de que non aceptaban este emprazamento preguntóuselles por parte do alcalde para que o dixeran alto e claro e para constase en acta si o que rexeitaban era o emprazamento ou o plan sectorial de vivenda en sí mesmo. E como rexeitaron o emprazamento soamente e se comprometeron a buscar alternativas para suxerirlle á Consellería de Vivenda dentro dos criterios que a administración ten, e que non é ir facer vivendas ao medio do monte senón pechar mazás baleiras ou medio baleiras dentro das tramas urbanas do que é a vila de Ribadeo, con ese compromiso nós tamén nos sumamos a ese rexeitamento destas dúas bolsas”.
Suárez Barcia engade que “non obstante debo dicir que dentro dos grupos da oposición se nos acusou de non dar información… pero nós estamos moi, moi desgustados coa actitude concretamente de dous grupos: de PSOE e de UPRI, porque si ben é certo que poden facer oposición como mellor lles pareza e poden acudir ás chamadas que fai o goberno ou deixar de acudir si é certo que todos os grupos somos escollidos polos veciños, pero que todos os veciños nos escollan ou non, éstes queren que os representantes políticos os defendan. E que mellor sitio para facelo que onde se poden resolver estas cousas”. O rexedor lembra que “este plan está levado adiante pola Consellería de Vivenda e eu no seu momento convoquei unha xunta de voceiros para analizar este tema e déronme plantón dous dos tres grupos da oposición: PSOE e UPRI, e quizais fixeron acto de chegar aí para apuntarse unha dieta e logo marcharon sen falar nin o máis mínimo. Pero é que o colmo e a tristeza prodúcenma cando 3 ou 4 días despois puiden xestionar unha entrevista co director xeral do IGVS para analizar e estudar esta situación que se estaba a dar en Ribadeo e soamente acudiu o portavoz do PP porque os outros dous tamén me deron calabazas e iso desde logo aos veciños, polo que eu podo apreciar pola rúa, non lles gusta… non lles gusta que os seus representantes se adiquen a liala e a tentar desgastar ao goberno e se lles ve o plumeiro xa que ás veces teñen pouco interese en resolver problemas e propoñer alternativas, senón que o que queren é desgastar ao goberno”.
Falsidades
Fernando Suárez sinala que “no pleno tamén quixemos desde o goberno facer unha serie de aclaracións sobre unhas falsidades que se estiveron a dar nos últimos tempos e que non foron axustadas. Debo dicir que quizais o plan estivo mal explicado por parte da Consellería de Vivenda, de aí que moitas veces provocara un rexeitamento. Sobre todo moita xente e algúns portavoces se cansaron de dicir que este plan ía expropiar os terreos a 6 euros o metro cadrado, algo que é absolutamente errado e que mirando os cadros que no seu momento se editaron e se puxeron a información pública o que con bastante claridade dicía e que ademais se podía facer cunha simple división do que era a valoración de 2.272.000 euros que facía do conxunto do solo incluído nesta actuación duns 30.000 metros cadrados. Cunha simple división aritmética se ve que a valoración promedia do metro cadrado de solo era de 76’67 euros e non de 6’22 como erradamente se ten entendido ou se ten querido facer entender en algún caso”.
Pepri
O alcalde segue a explicar que “estas cousas que ás veces se pensa moita xente que teñen pouco recorrido, pois van ter moito máis recorrido, porque en planeamento e mesmo na política desde logo é imposible que chova a gusto de todos e moitas veces hai que tomar decisións en contextos e as máis das veces con intereses contrapostos como pode ser o caso e aquí polo que lle escoitei á comisión de afectados e aos veciños que se opoñían a este plan por intereses totalmente contrapostos… moitos se opoñían porque lles parecía que se pagaba pouco e outros porque simplemente non querían que se fixese nada de nada”. Suárez Barcia cre que “no seu momento, antes ou despois, cando a Corporación queira darlle luz verde ao PEPRI a Corporación terá que dicir a que sentimentos se lles da a razón, si aos que ven unha serie de edificabilidades en concesións con zonas verdes ou simplemente si se lles da a razón a aqueles que pretenden que non se faga nada de nada e aí moitas veces as actitudes dos grupos da Corporación a corto prazo cren que gañan batallas e o que fan é eternizar as guerras”.
Fernando Suárez puntualiza que “a nós o que nos caracteriza neste tempo de mandato é a transparencia, a pesares de que algúns grupos se queixen de que non a hai. Eu convídoos a que vexan e fagan reconto de cantas comisións informativas se teñen convocado para tratar asuntos, cantas xuntas de portavoces e como se está levando adiante a redacción do plan xeral de ordenación municipal entre todos. A ver cantos gobernantes e corporacións o están a facer así e desde logo non temos ningún problema en traer a debate, como non, o plan especial do casco vello, pero aí tamén queremos ver a opinión de todos os grupos e queremos ver si o que dixeron onte no pleno é o que sentían ou si dentro de 3 ou 4 meses van soster contrariamente o que estiveron a dicir algúns deles. Esperaremos e veremos”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
