RIBADEO (FNC) .- O Concello convoca tres prazas de traballo temporais. Unha de técnico de lingua e cultura: o contrato realizarase pola modalidade de obra ou servizo determinado ata o 31 de decembro de 2009 a tempo completo. Entre os requisitos que se esixen para acceder a esta praza figura o título de licenciado/a en Filoloxía Galega. Valoraranse os servizos prestados no Concello de Ribadeo ou noutras administracións públicas en postos de traballo de contido análogo ou categoría semellante e os cursos relacionados coa actividade a desenvolver impartidos pola administración pública ou entidades dela dependentes ou homologados. Os interesados poden presentar a documentación correspondente ata as 14 horas do 28 de xaneiro no rexistro de entradas do Concello. A proba escrita e a selección de persoal levaranse a cabo o 3 de febreiro ás 17:00 horas na Casa do Concello.
Outra das prazas que convoca o Concello de Ribadeo é a de chofer de rozadora para o Servizo de Medio Ambiente. O contrato farase pola modalidade de obra ou servizo determinado ata o 31 de decembro deste ano. Un dos requisitos que se esixe para optar a este posto é o Graduado Escolar, Graduado en ESO ou equivalente así coma o permiso de conducir que habilite para a condución de rozadoras. Valoraranse os servizos prestados no Concello de Ribadeo ou noutras administracións públicas en postos de traballo de contido análogo ou categoría semellante e os cursos relacionados coa actividade a desenvolver impartidos pola administración pública ou entidades dela dependentes ou homologados. Os interesados poden presentar a documentación ata as 14 horas do 26 de xaneiro no rexistro de entradas do Concello. As probas de selección serán o 27 de xaneiro ás 17:00 horas na Casa do Concello.
E a terceira das prazas convocadas é a de técnico en actividades deportivas. O contrato será pola modalidade de obra ou servizo determinado ata o 31 de decembro de 2009. A xornada será de 37,5 horas semanais, incluíndo, de ser o caso, traballo en sábados, festivos e domingos, dada a natureza do traballo a desenvolver. Un dos requisitos que se esixe é ser técnico superior en actividades físicas e deportivas. Valoraranse os servizos prestados no Concello de Ribadeo ou noutras administracións públicas en postos de traballo de contido análogo ou categoría semellante e os cursos relacionados coa actividade a desenvolver impartidos pola administración pública ou entidades dela dependentes ou homologados. A documentación pódese presentar no rexistro de entradas do Concello ata as 14 horas do 27 de xaneiro e a proba e valoración de méritos aportados será o 29 de xaneiro ás 17,30 horas na Casa do Concello.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
