A MARIÑA .- Uns 50 colectivos de A Mariña constituíron a plataforma de apoio á causa Palestina “A Mariña con Palestina” e nomearon a Ana Ermida voceira na comarca. A plataforma iniciou os traballos preparatorios para levar a cabo diversos actos na Mariña e neste sentido xa fixaron o seu convocan unha concentración en Foz para o venres día 23, ás oito e media da tarde.
Nota de Prensa
CONSTITÚESE NA MARIÑA A PLATAFORMA DE APOIO Á CAUSA PALESTINA “A MARIÑA CON PALESTINA”
A Plataforma, que botou a andar na tarde de onte, agrupa arredor duns 50 colectivos de todos os ámbitos da comarca mariñá e agarda a sucesiva incorporación de máis asociacións.
O mércores pola tarde tivo lugar a primeira das xuntanzas da nova plataforma de apoio a Palestina que foi constituída tras a convocatoria aberta que realizou o Bloque Nacionalista Galego.
A plataforma está constituída inicialmente por uns 50 colectivos que representan todos os sectores da totalidade da comarca: xuvenís, culturais, sindicais, veciñais… aos que se poden ir sumando outros a medida que avance na súa andaina, xa que a plataforma é aberta á participación de todo tipo de colectivos.
Nesta primeira convocatoria, á que acudiron representantes de numerosos colectivos, foi elixida como voceira da plataforma na comarca Ana Ermida.
A Plataforma iniciou xa os traballos preparatorios para levar a cabo diversos actos na comarca da Mariña. Neste sentido xa fixaron o seu primeiro acto convocando unha concentración que terá lugar o vindeiro venres 23 de Xaneiro ás 20:30 hs en Foz.
Palestina, a guerra dos tanques contra as pedras
Sinalan desde a Plataforma A Mariña con Palestina que “ é preciso que a sociedade se conciencie da barbarie á que está sendo sometido o pobo palestino, e chamamos a toda a poboación a manifestar o seu rexeitamento a estes ataques”.
Sinalan tamén que “esta non é unha guerra, non existen exércitos enfrontados, nin igualdade de forzas. Esta é unha agresión militar por parte dun estado armado e financiado polo imperialismo norteamericano e europeo que conta cun poderosísimo exército e ataca por terra, mar e aire a un pobo sen outra defensa que o heroísmo e sacrificio dos seus mal armados milicianos, e que nin sequera ten a posibilidade de fuxir.”
Por estas razóns, “ animamos á poboación a participar en todos os actos de apoio a Palestina como a manifestación nacional do vindeiro domingo 18, ás 12hs, na Alameda en Santiago de Compostela”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
