XOVE.- O pasado sábado fíxose a XI tirada do campionato de bolos de Xove. A xornada celebrouse en Palmeiro, nunha tarde agradable e campo en perfectas condicións. Boa participación con 26 inscritos, 20 da Liga de Maiores e 6 da Sub 18.
Liga de Maiores.- Continua o man a man entre Arturo Vigo e José Rafael González polo primeiro posto, destacándose ambos do resto con 87 e 80 puntos respectivamente. Tanto o líder como o segundo estanse mostrando moi regulares nas últimas tiradas, o que lles está permitindo distanciarse do resto; concretamente o terceiro clasificado, que estrea posición, é Luis Rancaño con 61 puntos, a 19 de José Rafael e 26 de Arturo Vigo. Ginés Rodríguez perde unha posición e é cuarto con 59 puntos. Quen está a perder fuelle neste inicio da segunda volta é Augusto Albo quen só conseguiu 3 puntos nas dúas últimas tiradas, polo que se está alonxando dos postos de cabeza.
Liga Sub 18.- Temos que facer aquí mención ao líder, ANDRÉS RODRÍGUEZ, cun comezo de da segunda volta espectacular, sumando o máximo (14 puntos) nas dúas primeiras tiradas do ano, o que lle permite destacar na primeira posición con 53 puntos, 21 máis que Jose Vigo. Polo tanto, por se quedaba algunha dúbida, a falla de 7 tiradas para o final, Andrés Rodríguez e o principal e único favorito para o trunfo final e conseguir a súa segunda Liga consecutiva. Amais disto, temos que destacar a Andrés por outro motivo moi importante, e é que despois de repasar o historial da Liga Sub 18 nos últimos anos temos que ANDRÉS RODRÍGUEZ leva a frioleira de 31 tiradas consecutivas puntuando, ou sexa, Andrés puntuou en tódalas tiradas dende o 10 de marzo de 2007, algo que non conseguiu ningún xogador de ningunha das Ligas nos 20 anos de historia do Campionato. E segue, porque este récord inda non rematou, tendo posibilidade, se sigue xogando a este nivel, de deixalo nun rexistro moi alto. Felicidades polo tanto a Andrés, un xogador que nos seus inicios non apuntaba precisamente a campión, pero que con esforzo, e a inestimable axuda do seu pai, o xogador Ginés Rodríguez, está demostrando que pode chegar moi lonxe nos vindeiros anos dada a súa xuventude.
Acceder á clasificación
A Vindeira tirada, e segunda desta segunda volta, vai ter lugar no CENTRO SOCIAL DE MONTE, O VINDEIRO SÁBADO, 24 DE XANEIRO DE 2009.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
