RIBADEO (FNC) .- O vicerrector de Cultura da Universidade de Santiago de Compostela, Elías Torres; o alcalde de Ribadeo, Fernando Suárez e o concelleiro de Medio Ambiente, Horacio Cupeiro visitaron esta mañá a Casa da Ría en Santa Cruz. O rexedor sinalou que “por fin parece que lle estamos encontrando unha solución á situación da Casa da Ría. Este edificio de 2001 non ten uso prácticamente desde hai cinco anos debido aos seus defectos estruturais de humidades que non fan recomendable ser usado por escolares nin pola propia cidadanía en xeral”. Fernando Suárez anunciou “o compromiso que xa temos para recuperar e reparar todo ese tipo de goteiras e de deficiencias que ten o edificio a través da colaboración da Área de Cultura da Deputación de Lugo que dirixe Antonio Veiga. E tamén se podería involucrar o Xacobeo para costear as obras que permitan dotar de estabilidade á Casa da Ría”. O investimento a realizar está cifrado en 18.000 euros, segundo o alcalde de Ribadeo.
Suárez Barcia engadiu que “unha vez conseguido esto, e esperamos que sexa en breve, poderemos avanzar neste convenio marco que asinamos hai un ano coa Universidade de Santiago de Compostela, onde se definen unha serie de actividades que podemos realizar e neste caso relacionadas coa astronomía. Por este motivo se desprazou hoxe ata aquí Elías Torres e vemos a posibilidade de que nun período curto de tempo se realicen actividades tanto para os escolares como para o resto da cidadanía”.
O vicerrector da USC dixo que “na universidade consideramos que esta Casa da Ría é un ben estratéxico para Ribadeo e o seu entorno, pero tamén para a USC e ademais dentro do cadro de colaboración que temos co Concello é certamente unha satisfacción ver o impulso que se lle quere dar desde os actuais responsables municipais e entón contan coa nosa máxima colaboración”. Elías Torres subliñou que “a medio ou longo prazo Ribadeo pode ter unha unidade de investigación e divulgación científica e cultura moi diversa non só centrada na astronomía, aínda que evidentemente é un dos seus puntos fortes, senón tamén en calquera área medio ambiental, de ordenación do territorio, agrícola, pesqueira… A USC podería colaborar en todas esas dimensións desde os seus museos de historia natural, desde as estacións hidrobiolóxicas ou desde o seu patrimonio na astronomía co seu observatorio astronómico e con outras moitas actividades que o rodean”. O vicerreitor considera que “sendo así a medio prazo pode haber unha unidade forte unidade aquí de intervención cotiá e sistemática e que faga parte tamén da riqueza económica, cultural e científica de Ribadeo. Tamén estamos en disposición de anunciar a curto prazo, xa no verán, a realización dunha intervención piloto entorno ao mundo da astronomía… sería nos meses de xullo, agosto e setembro, estaría destiNada a toda a cidadanía e contaría coa participación de especialistas da nosa universidade”.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
