BURELA .- CIG-Ensino iniciou o curso “O Mundo Hoxe V”, dirixido a docentes, no que trátase de dar unha visión do mundo actual a través de catro conferencias: “ A ligazón entre Galiza e os países de lingua galega”, “A Crise económica presente ”, “ O conflicto Palestino- Israelí” e “A victoria de Barack Obama e o próximo escenario internacional”.
Nota de Prensa
A CIG-Ensino A Mariña organiza un curso chamado “O Mundo Hoxe V”. Neste curso, especialmente dirixido a docentes, trátase de dar unha visión do mundo actual a través de 4 conferencias:
O curso comeza o mércores día 18 de febreiro ás 18:00. Os horarios son:
– dia 18 febreiro “ A ligazón entre Galiza e os países de lingua galega”. Anxelo González Vicente. De 18:00 a 20:30
– dia 6 marzo “A Crise económica presente ”. Carme Garcia Negro. De 20:00 a 22:30
– día 12 marzo “ O conflito Palestino- Israelí” Moncho Iglesias Míguez. De 18:00 a 20:30
– dia 25 marzo “A vitoria de Barack Obama e o próximo escenario internacional”. Roberto Mansilla Blanco. De 18:00 a 20:30
Toda persoa interesada para matricularse pode chamar ao número telefónico da CIG en Ribadeo (982 12 95 93 )
DADOS DO CURSO:
Horas de formación: 10 Nº de prazas: 80
Importe da matrícula:
Afiliadas/os 8.00 Euros. Outras/os 20.00 Euros. Parados/as: 15,00€
Destinatários: PROFESORADO EN ACTIVO E DESEMPREGADAS/OS COA TITULACIÓN ESPECÍFICA QUE TEÑAN ENFOCADO O SEU FUTURO PROFESIONAL NO ENSINO.
Critérios de selección: Por rigorosa orde de inscrición.
Organizadores: CIG Ensino
Lugar de celebración: SALÓN DE CONFERENCIAS de Burela (antiga biblioteca)
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
