XOVE .- O sábado pasado, nunha tarde moi fría e campo en lamentable condición, a isto hai que engadirlle que se trata do campo máis duro e difícil de todo o campionato, danos uns marcadores moi baixos, con moitas “cucadas”.
Liga de Maiores.- Merecida victoria de Ginés Rodríguez, quen soubo adaptarse moi ben ao estado do terreo de xogo, realizando unha tirada moi regular que lle permitiu recuperar a terceira posición na xeral a costa de Luis Rancaño, que só puido ser sexto na tirada. Na cabeza, todo igual, só que José Rafael González rabuñoulle un punto ao líder. O resto da clasificación segue practicamente igual. A falla de cinco tiradas (A Vara, Vilachá, Morás, Xove e Sumoas) a clasificación dinos que, salvo moi grandes sorpresas, Arturo Vigo e José Rafael vanse disputar o primeiro e segundo posto finais, e que despois hai un grupo, encabezado por Ginés Rodríguez e no que están Luis Rancaño e Augusto Albo que van pelexar polo terceiro posto final.
Liga Sub 18.- A vitoria de Adrián Bouso acurta nun punto a distancia que o separa do segundo clasificado, Jose Vigo, quen aguantou ben co segundo posto e a mellor bolada. Ao líder e virtual campión Andrés Rodríguez atragantouselle o campo e só logrou puntuar por pelos, dado que cucou as dúas últimas tiradas. A falla de cinco tiradas, se a primeira praza xa ten practicamente dono, a pelexa está polo segundo e terceiro posto finais que completan o cadro de honra; para estes dous postos temos un grupo de xogadores encabezados por José Vigo con 37 puntos, seguido de Adrián Bouse con 35, Alex Meitín con 26 e Cristian Rodríguez con 23.
A Vindeira tirada (14ª), e quinta desta segunda volta, vai ter lugar no CENTRO SOCIAL DE O A VARA, NA PARROQUIA DE XUANCES, O VINDEIRO SÁBADO, 14 DE FEBREIRO DE 2009.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
