RIBADEO (FNC) .- O Centro de Información ás Mulleres de Ribadeo atendeu durante o 2008 un total de 376 consultas, o que se corresponde con 312 persoas que demandaron información e asesoramento (algunhas varias veces ou varias consultas, por iso hai máis consultas que consultantes).
Segundo a responsable do CIM, Luisa González, “a área de asesoramento xurídico foi a mais demandada con 213 consultas, seguida da área psicolóxica con 87 consultas e a área de recursos con 46. As consultas que nos veñen relativas a emprego son derivadas á area de desenvolvemento local”.
Na área xurídica , o máis demandado foi o Dereito de Familia con 60 consultas que veñen a ser o 28,6% e especificamente as que teñen que ver con información e asesoramento sobre os procesos de separación e divorcio, e tamén houbo un aumento significativo nas consultas que relacionadas coa filiación. Séguelle o Dereito Penal como consulta máis demandada, “a diferenza de outros anos onde era a asistencia xurídica gratuíta a que ocupaba o segundo lugar desprázase este ano cara un 3º posto. As consultas de Dereito Penal versan maioritariamente sobre a violencia de xénero e o impago de pensións alimenticias, foron 44 consultas que supoñen o 18,7% do total. Mencionar respecto ao impago de pensións alimenticias, que ten dúas formas de reclamarse pola vía penal (que se fai menos veces xa que leva aparellado penas de privación de liberdade) e pola vía civil que se fai no marco da execución de sentencia do divorcio ou separación ou ben interpondo demanda de custodia”, engade Luisa González.
Houbo 38 persoas que ao longo do 2008 solicitaron a asistencia xurídica gratuíta.
No eido laboral, a maioría das consultas teñen que ver coas condicións na contratación. Luisa González explica que “das 312 persoas que solicitaron información e asesoramento 82 persoas eran inmigrantes, o que supón un 26,2% do total. No 2007 foron 57 persoas inmigrantes o que reflicte un notable ascenso da poboación inmigrante no uso deste servizo. Respecto a tipoloxía das consultas, maioritariamente son de carater persoal… 270 consultas foron persoais,36 telefónicas…”.
As persoas que máis usan este servizo atópanse no tramo de idade que vai dos 26 aos 35 anos, seguíndolle o tramo dos 46 até os 55 anos. Luisa González engade que “podemos dicir que xenericamente, segundo os datos do programa de estadísticas do Servizo Galego de Igualdade, as persoas que acoden a este servizo teñen as seguintes características: son mulleres cunha edade entre 26- 35 anos, con fillos/as, do núcleo urbán, casadas, con estudos medios, traballadoras e con ingresos familiares que oscilan entre os 600-900€”.
Políticas de igualdade
A concelleira de Muller, Mariluz Álvarez Lastra e a responsable do CIM, Luisa González fixeron tamén balance das políticas de igualdade que se veñen desenvolvendo desde o Concello de Ribadeo e sinalaron que “seguimos facendo campañas de dinamización e de sensibilización cara a cidadanía e mantemos os bonos axuda para fomentar a conciliación da vida laboral e persoal das mulleres que son nais. Seguimos a realizar o boletín Ribadeo Muller no que se recollen todas as actividades que facemos ao longo do ano e onde se dan consellos sobre temas de interese para as mulleres. É unha publicación que chega a todas as casas. Continúa tamén o Consello Municipal da Muller que é un órgano que fomenta a participación e que é un vehículo central de comunicación entre o Concello, as parroquias e o movemento asociativo das mulleres”.
Álvarez Lastra e González engadiron que “levamos adiante a abordaxe da violencia de xénero mediante a elaboración dun protocolo de prevención e atención ás mulleres vítimas desta problemática, realizamos varias xornadas ao longo do ano dirixidas a sectores específicos e tamén un estudio sobre a percepción que ten a cidadanía de Ribadeo sobre a violencia de xénero”. O CIM organizou ao longo do 2008 actividades coma talleres de relaxación para bebés ou natación terapéutica, charlas sobre temas de actualidade coma a do cancro de útero e un obradoiro de medio ambiente nas Anzas”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
