SANTIAGO .- A Consellaría do Medio Rural aclara que é “rotundamente falso” que o envío de 400 toneladas de leite en po como axuda humanitaria, fundamentalmente ás zonas afectadas polo ciclón Ike o pasado mes de setembro, se demorara durante medio ano, xa que o contrato de subministración deste produto asinouse no mes de outubro e os traballos de deshidratación non remataron ata mediados de decembro, debido á complexidade de procesar o elevado volume de leite líquido que se requiría nesta operación.
NOTA DE PRENSA:
MEDIO RURAL ACLARA QUE O PROCESO DE DESHIDRATACIÓN DO LEITE EN PO, CON DESTINO AXUDA HUMANITARIA, REMATOU A FINAIS DE 2008
* A Consellaría lembra que a encomenda desta subministración á empresa Euroserum Ibérica S.L. se iniciou no mes de outubro de 2008 e que a recepción do leite non se produciu ata finais de decembro, polo que é “rotundamente falso” que o envío se demorara durante medio ano.
* Así mesmo, garante a trazabilidade da materia prima e a súa orixe galega, como se pode comprobar nas guías das cisternas empregadas para o seu transporte a fábrica, e lembra que esta subministración contribuíu a aliviar a situación conxuntural existente naquel momento no sector lácteo galego.
* A Consellaría realizou a contratación deste servizo á única empresa radicada en Galiza que ten capacidade para procesar o volume de produción que se solicitaba desde a administración no menor prazo de tempo posible.
Santiago, 27 de febreiro de 2009.- A Consellaría do Medio Rural aclara que é “rotundamente falso” que o envío de 400 toneladas de leite en po como axuda humanitaria, fundamentalmente ás zonas afectadas polo ciclón Ike o pasado mes de setembro, se demorara durante medio ano, xa que o contrato de subministración deste produto se asinou no mes de outubro e os traballos de deshidratación non remataron ata mediados de decembro, debido á complexidade de procesar o elevado volume de leite líquido que se requiría nesta operación. En concreto, a data de recepción deste alimento, tal e como se constata na acta pertinente elaborada polos funcionarios deste departamento autonómico, foi o 17 de decembro de 2008, aínda que a dispoñibilidade efectiva do produto non se produciu ata finais de decembro, momento no que se realizou o pagamento da factura, logo da fiscalización da intervención de fondos da comunidade autónoma. Así pois, o envío desta axuda humanitaria non se puido iniciar ata comezos deste ano 2009.
En canto á trazabilidade e orixe da materia prima empregada, a Consellaría garante que o leite empregado procede de explotacións galegas, tal e como se pode comprobar nas guías das cisternas que se empregaron para o seu transporte ata a fábrica de procesado, e lembra que esta subministración contribuíu a paliar a situación conxuntural que padecía neses intres o sector lácteo galego, cunha sobreoferta deste produto no mercado. Tal e como se establecía no contrato, a materia prima foi sufragada de acordo cos prezos comerciais vixentes nese momento, co obxectivo de evitar distorsións nos prezos de mercado. Neste sentido, Medio Rural lembra que estas foron as dúas condicións que se estableceron na encomenda á empresa: a procedencia da materia prima de explotacións galegas e o abono da mesma a prezos de mercado. Así mesmo, o departamento autonómico indica que se optou polo leite en po, dado que é a mellor fórmula para o transporte deste alimento como axuda humanitaria, e porque ofrece as maiores garantías sanitarias e a maior durabilidade no tempo.
Por outra banda, a Consellaría lembra que a encomenda deste servizo se realizou “á única empresa con sede social en Galiza que se dedica industrialmente ao proceso de deshidratación de leite e que, polo tanto, era tamén a única que podía acometer a transformación deste produto no volume requirido (400 toneladas) no menor prazo de tempo posible”. Así mesmo, o contrato de subministración foi tramitado ao abeiro do procedemento de emerxencia, por razóns de interese humanitario, de acordo co previsto no vixente texto da Lei de contratos do sector público, sendo intervido pola Intervención Xeral da Xunta de Galiza e comunicado ao Consello da Xunta no prazo dos 60 días posteriores á realización do encargo, de acordo co previsto no citado texto legal.
Por último, a Consellaría lembra que, para a xestión do envío deste material humanitario, se estableceu un marco de colaboración coa Fundación Axencia Humanitaria de Galicia. Neste sentido, este ente realizou un primeiro envío a Haití de 48 toneladas de leite en po e, en breve, se fará outra distribución en Guatemala. Así mesmo, vén mantendo contactos coa Embaixada e con outros organismos cubanos encargados de xestionar as autorizacións da entrada deste produto na illa e a súa posterior distribución. A Fundación Axencia Humanitaria de Galicia asegura que este alimento lle será entregado aos damnificados, que a día de hoxe seguen a precisar axuda humanitaria para superar as consecuencias do ciclón Ike na súa vida diaria.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
