A inauguración contou coa participación da Danza de Arcos, a Rondalla de Cariño, a Banda de Gaitas do Ortegal, a Banda de Gaitas San Xiao do Trebo e a Coral Polifónica de Cariño, que puxeron música, tradición e emoción a este día tan especial
Cariño, 30 de agosto, 2026. O Concello de Cariño inaugurou hoxe o mural da Rampla do Castro, unha obra do muralista galego Wedo Goás, artista con máis de trinta festivais de arte urbana nacionais e internacionais ás súas costas e recoñecido en 2025 por Street Art Cities co premio ao Mellor Mural do Mundo.
A inauguración contou coa participación da Danza de Arcos, a Rondalla de Cariño, a Banda de Gaitas do Ortegal, a Banda de Gaitas San Xiao do Trebo e a Coral Polifónica de Cariño, que puxeron música, tradición e emoción nun día especialmente significativo para o municipio.
O mural é unha homenaxe ás raíces e a todas aquelas persoas que, co seu traballo, esforzo e loita, construíron ao longo dos anos un sentimento profundo por Cariño, “o pobo co nome máis bonito do mundo”.
Segundo o goberno local, trátase dunha obra “nacida da alma e do corazón da nosa xentiña, unha homenaxe a quen nos deixou a nosa identidade e o legado que hoxe temos a responsabilidade de manter vivo”.
O Concello lembra que este proxecto non é unha actuación illada, senón parte dun plan de futuro no que se pretende seguir traballando “a través de novas obras que relaten diferentes capítulos da nosa historia, cultura e tradicións”.
Este mural foi durante anos un proxecto bloqueado, sen avances nin posibilidades de execución, pero novas xestións permitiron o seu desbloqueo ata facelo realidade.
O Concello de Cariño agradece especialmente á Xunta de Galicia pola súa implicación e apoio, fundamentais para facer posible esta obra.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
