Asistentes a pasada edición da Liga Galega de Debate
VIVEIRO .- O equipo do IES Vilar Ponte de Viveiro foi finalista da II Liga Galega de Debate na que competiron un total de 48 equipos de centros educativos de toda Galicia; os integrantes do equipo levaron cadansúa Wii. O IES Rosalía de Castro, de Santiago de Compostela, foi o gañador.
A Liga Galega de Debate é unha iniciativa da dirección Xeral de Xuventude que ten como obxectivo fomentar entre os estudiantes galegos os debates de competición, é dicir, enfrontamentos dialécticos nos que dous equipos se enfrontan defendendo a postura a favor ou en contra dun determinado tema.
Fonte
O IES Rosalía de Castro, de Santiago, proclámase gañador da II Liga Galega de Debate organizada pola Dirección Xeral de Xuventude
Os gañadores disfrutarán, xunto con outros compañeiros do seu centro, dunha viaxe polo País Vasco e recibirán tamén un ordenador portátil
Os integrantes do equipo finalista, do IES Vilar Ponte de Viveiro levaron cadansúa Wii
Ana Ferreiro, do IES Nosa Señora dos Ollos Grandes, de Lugo, nomeada como mellor oradora da competición
Un total de 240 rapaces e rapazas de toda Galicia participaron na competición, que se desenvolveu en Santiago
Santiago, 2 de febreiro de 2009.- O equipo do IES Rosalía de Castro, de Santiago de Compostela, converteuse hoxe no gañador da II Liga Galega de Debate, unha competición intelectual con formato deportivo organizada pola Dirección Xeral de Xuventude e Solidariedade.
O equipo campión foi galardonado cunha viaxe polo País Vasco e un ordenador portátil para cada integrante do equipo. Ademais, outros 40 alumnos do seu mesmo centro disfrutarán tamén desa mesma viaxe. O segundo clasificado desta competición, o IES Nosa Señora dos Ollos Grandes, de Lugo, obtivo unha Wii para cada integrante do equipo. A Dirección Xeral de Xuventude repartiu tamén agasallos para a mellor oradora da competición, que recaeu en Ana Ferreiro, do IES Nosa Señora dos Ollos Grandes, que levou unha cámara fotográfica dixital de 8 megapíxeles; e para a segunda mellor oradora, Elena Castro, do IES Rosalía de Castro, que foi premiada cun reprodutor Bluy-Ray. Ademais, todos os participantes na competición foron obsequiados dun penDrive de 2Gigas e entre todos eles sorteáronse tamén 5 equipos NetBook.
Nesta II Liga Galega de Debate competiron un total de 48 equipos de centros educativos de toda Galicia. O obxectivo: fomentar entre os estudantes galegos os debates de competición, é dicir, enfrontamentos dialécticos nos que dous equipos se enfrontan defendendo a postura a favor ou en contra dun determinado tema. ¿Están as Administracións públicas afrontando eficazmente o problema do consumo de drogas (legais e ilegais) nos adolescentes?: Este foi o tema sobre o que arrincou a última fase da competición na que se enfrontaron os equipos finalistas. O equipo de xuíces estivo formado por destacadas personalidades no eido da comunicación e o dereito, así como expertos e campións en diversas competencións de debates.
Competición para a formación
O director xeral de Xuventude, Rubén Cela, foi o encargado de clausurar esta mañá, logo do acto de entrega de premios, a segunda edición desta competición dialética. Na súa intervención Cela salientou a grande acollida que a iniciativa tivo entre os centros educativos e entre os estudantes, o que fixo que a convocatoria resultase todo un éxito. A posta en marcha de iniciativas deste tipo son, a xuízo do director xeral de Xuventude, unha oportunidade única para que os mozos poidan aprender unha actividade beneficiosa para a súa formación integral, ao tempo que teñen a ocasión de dar a coñecer as súas opinións e experiencias sobre a actualidade do país.
Certame único
A II Liga Galega de Debate é unha competición sen precedentes no país, unha actividade con formato deportivo e contido intelectual na que tomaron parte este ano 240 estudantes de todo o país, o que a convertiu tamén nun punto de encontro para mozos e mozas de toda Galicia. Trátase dunha actividade clave para a formación integral dos estudantes, na que poderán desenvolver capacidades útiles para a súa vida académica, profesional e persoal.
Na II Liga Galega de Debate, estudantes de 1º e 2º de Bacharelato das catro provincias galegas tiveron a oportunidade de facerse escoitar, demostrar o seu potencial e vivir unha experiencia única fóra das aulas. Dende Xuventude considérase esta iniciativa un complemento perfecto para a formación dos mozos e mozas á marxe dos seus plans de estudo, xa que os debates permiten o desenvolvemento de habilidades sociais e persoais como a expresión oral, o traballo en equipo, a busca de información, o saber falar en público, o respecto ou a tolerancia.
Cada equipo de debate estivo composto de catro debatentes e un capitán. Dos catro debatentes, dous actuaron como oradores e dous como investigadores, funcións que puideron variar dun debate a outro.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
